ՀՀ վարչապետ Նիկոլ Փաշինյանի հայտարարությունից հետո Երևանի Հանրապետության հրապարակում իրավիճակը լարված է։ Մի քանի տասնյակ քաղաքացիներ արդեն տեղում են ու շարունակում են գալ։ Հրապարակում են ոչ միայն Փաշինյանի կողմնակիցները, ընդդիմադիրներ ևս կան։
Հրապարակում կուտակված են նաև մեծ թվով ոստիկանական ուժեր, որոնք փորձում են վերահսկել իրավիճակը։
ՀՀ ԶՈւ Գլխավոր շտաբն այսօր` փետրվարի 25-ին, պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։
Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության Հրապարակում՝ «հեղափոխությունը պաշտպանելու» համար։
Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել ՀՀ նախագահ Արմեն Սարգսյանը։
