13:56 11 ապրիլի 2021
Ուղիղ եթեր
  • USD532.78
  • GBP729.96
  • EUR633.58
  • RUB6.90
Տեսանյութեր

Հակոբ Արշակյանը ներկայացրել է հայկական հարվածային անօդաչու թռչող սարքը. տեսանյութ

Ստանալ կարճ հղումը
224010

Նախարարն ընդգծել է, որ առաջիկայում նմանատիպ ձևաչափով բոլորի ուշադրությանը կներկայացնի հայկական ռազմարդյունաբերական համալիրի այլ նոր մշակումներ ևս։

ՀՀ բարձր տեխնոլոգիական արդյունաբերության նախարար Հակոբ Արշակյանը Facebook-ի իր էջում ներկայացրել է հայկական արտադրության մեծ հեռավորության վրա գտնվող թիրախների խոցման համար նախատեսված  հարվածային անօդաչու թռչող սարքը։

Նա նշել է, որ լրագրողների հետ վերջին ճեպազրույցի ընթացքում խոստացել էր ներկայացնել  ռազմարդյունաբերական ընկերությունների մշակումների մասին պատմող տեսահոլովակներից մեկը։

«Ձեզ եմ ներկայացնում հայկական արտադրության մեծ հեռավորության վրա գտնվող թիրախների խոցման համար նախատեսված  հարվածային անօդաչու թռչող սարքը։Այս պահին ընթանում են սարքի պետական փորձարկումները»,–նշել է նա։

Արշակյանն ընդգծել է, որ առաջիկայում նմանատիպ ձևաչափով բոլորի ուշադրությանը կներկայացնի հայկական ռազմարդյունաբերական համալիրի այլ նոր մշակումներ ևս։

Հիշեցնենք` փետրվարի 9–ին հրավիրած տարեկան ամփոփիչ ասուլիսում Հակոբ Արշակյանը հայտարարեց, որ 2021թ-ին արդեն իսկ ի վիճակի կլինեն մեր տեղական ռազմական պահանջարկն ամբողջությամբ բավարարել և հրետանային միջոցների ու արկերի արտադրությունն ամբողջությամբ կազմակերպել Հայաստանում:

Նախարարը շեշտեց, որ հաջողություններ կան նաև անօդաչու թռչող սարքերի արտադրության ոլորտում՝ ինչպես հարվածային, այնպես էլ հետախուզական:

Ըստ թեմայի

Ղազախստանն Անկարայի հետ քննարկում է թուրքական ԱԹՍ-ների ձեռքբերման հարցը
ՀՀ–ում ԱԹՍ-ներով որոնողափրկարարական աշխատանքներ իրականացնելու մոդել է մշակվում
Զգույշ, աթոռից չընկնեք. Սերժ Սարգսյանն ասաց` քանի ԱԹՍ պիտի գնվեր մինչև 2020 թվականը
թեգերը:
Հայաստան, անօդաչու թռչող սարք, Հակոբ Արշակյան

Այլ տեսանյութեր

Գլխավոր թեմաներ