Ռուսաստանի Նիժնիվարտովսկ քաղաքում արջը հետապնդել է անցորդներին։ Համացանցում հրապարակված տեսագրությունում երևում է, թե ինչպես է կենդանին վազում մի տղամարդու հետևից։
Նիժնիվարտովսկի քաղաքապետարանից ՌԻԱ Նովոստիին հայտնել են, որ արջին բռնել են, ոչ ոք չի տուժել:
«Արջը վախից փախել է ձեռնարկության տարածք։ Կենդանուն բռնել են։ Դեպքի վայրում աշխատում են ոստիկանները, քաղպաշտպանության և Ռոսգվարդիայի վարչության ներկայացուցիչները»,– նշել են քաղաքապետարանից։
Ավելի ուշ ճշտել են` հերթապահ ծառայությունն այսօր առավոտյան ահազանգ է ստացել, որ արդյունաբերական գոտում արջ կա: Ոստիկանության աշխատակիցները, Օխոտնադզորի ներկայացուցիչները, ԱԻ բաժնի մասնագետները անհապաղ մեկնել են դեպքի վայր։
Գորշ արջի զբոսանքը Սյունիքում. տեսանյութ
ՌԻԱ Նովոստիի աղբյուրը հայտնել է, որ կենդանուն արդեն քնեցրել են։ Գիշատչի սեփականատերը տեղի գործարարներից է։ Քաղաքային ԶԼՄ-ների տվյալներով` արջը պահվել է հյուրանոցային համալիրի տարածքում։
Խնձորների շարանը պոկեց ու փախավ «հանցագործության» վայրից. արջուկի հայաստանյան արկածները
