06:17 19 ապրիլի 2021
Ուղիղ եթեր
  • USD522.20
  • GBP719.54
  • EUR625.49
  • RUB6.89
Տեսանյութեր

Փաշինյանի ճանապարհային քարտեզի իրագործման առումով կա զգալի առաջընթաց. Արսեն Թորոսյան

Ստանալ կարճ հղումը
8501
© Sputnik

ՀՀ վարչապետի աշխատակազմի ղեկավար Արսեն Թորոսյանը Sputnik Արմենիայի եթերում անդրադարձել է Փաշինյանի հրապարակած ճանապարհային քարտեզի դրույթներին, որոնց իրագործման ընթացքի վերաբերյալ նա 6 ամիս անց պետք է հաշվետվություն ներկայացներ, մինչդեռ պատրաստվում է հրաժարական տալ։

Արսեն Թորոսյանի խոսքով`ճանապարհային քարտեզում կային հարցեր, որոնք ենթադրում էին «միամոմենտ» լուծում, մյուսները` շարունակական։ Ըստ նրա` վերոհիշյալ դրույթների իրագործման առումով կա զգալի առաջընթաց, կարելի է արձանագրել, որ այս կամ այն հարցը տեղից շարժվել է այս կամ այն չափով, և կառավարության նիստերի ընթացքում կայացվող որոշումները հենց այդ համատեքստում էլ ներկայացվում են։

«Իհարկե, կան նաև խրթին հարցեր, որոնցում էական կամ մեր ուզածի չափ առաջընթաց չի արձանագրվում, ինչը նշանակում է, որ այդտեղ պետք է կրկին ներդնել հավելյալ ջանքեր։ Խոսքը չէր գնում վեց ամսում ինչ–որ բան ավարտելու և հետո հաշվետվություն ներկայացնելու մասին միայն, այլ խոսքը գնում էր վեցամսյա շրջանից հետո կատարված աշխատանքին գնահատական տալու և դրանից հետո քաղաքական որոշումներ կայացնելու մասին»,– Sputnik Արմենիայի հետ զրույցում ասաց ՀՀ վարչապետի աշխատակազմի ղեկավարը։

Ինչո՞ւ է Փաշինյանի թիմի համար շահեկան, որ ընտրությունները շուտ անցկացվեն

Թորոսյանի կարծիքով` քաղաքականությունը դինամիկ, այլ ոչ թե ստատիկ պրոցես է, որի ընթացքում անընդհատ տեղի են ունենում փոփոխություններ թե՛ ուժերի հռետորաբանության, թե՛ երկրի առջև կանգնած խնդիրներին արձագանքելու մեթոդների մեջ, հետևաբար եթե հայտարարվել է այս կամ այն ժամանակ հետո ինչ–որ բան անելու մասին, ապա ոչինչ չի խանգարում ճկուն լինելուն և տվյալ պահին եղած մարտահրավերներին անդրադառնալուն։

Թորոսյանի պնդմամբ` վարչապետի հրաժարականն ինքնին ընդամենը միջոց է, այլ ոչ թե ինչ–որ բան անել–չանելու համար նախատեսված քայլ, միջոց, որն արդեն օգտագործվել է 2018 թվականին, ուստի այստեղ նորություն չկա։

Հիշեցնենք` ՀՀ վարչապետ Նիկոլ Փաշինյանը մարտի 18-ին հայտարարեց, որ Հայաստանի Հանրապետությունում խորհրդարանական արտահերթ ընտրություններ կանցկացվեն հունիսի 20-ին։ 

թեգերը:
Արսեն Թորոսյան, Նիկոլ Փաշինյան, Հայաստան

Այլ տեսանյութեր

Գլխավոր թեմաներ