06:56 19 մայիսի 2021
Ուղիղ եթեր
  • USD521.55
  • GBP740.81
  • EUR637.23
  • RUB7.08
Տեսանյութեր

«Իսկանդեր Մ»–ի բեկորները Շուշի են բերվել Սիրիայից. Դավիթ Շահնազարյան

Ստանալ կարճ հղումը
1180811
© Sputnik

ԱԱԾ նախկին ղեկավարը վստահեցնում է, որ ադրբեջանական կազմակերպության ցուցադրած բեկորներն իրականում շատ կոպիտ սադրանք էին։

ՀՀ ազգային անվտանգության ծառայության նախկին տնօրեն Դավիթ Շահնազարյանը Sputnik Արմենիայի եթերում խոսել է Շուշիի մոտակայքում ադրբեջանցի սակրավորների «հայտնաբերած» և որպես «Իսկանդերի» հրթիռի բեկոր ներկայացրած զինամթերքի մասին։

Շահնազարյանը համոզված է, որ իրականում դա շատ կոպիտ կազմակերպած քաղաքական սադրանք էր Բաքվի և Անկարայի կողմից, որն ուղղված էր առաջին հերթին Ռուսաստանի դեմ։

«Այս տարվա մարտի 31–ին ցուցադրված բեկորները 9Մ723 տեսակի հրթիռի մնացորդներ են, դրանք «Իսկանդեր Մ» համալիրների համար են նախատեսված, իսկ Հայաստանի ունեցած համալիրներն «Իսկանդեր Է» տեսակի են»,– ասաց նա։

Շահնազարյանի խոսքով` ադրբեջանական կողմը քաջատեղյակ էր ՀՀ–ի ունեցած համալիրների տեսակի և մոդիֆիկացիայի մասին, այդուհանդերձ հայտարարեց, որ բեկորները վերոնշյալ տեսակի հրթիռինն են, որից անմիջապես հետո քննադատության սլաքներն ուղղվեցին Ռուսաստանի կողմ։

Նա համոզված է, որ իրականում այդ բեկորները Շուշի են բերվել Սիրիայից, որտեղ փետրվարի վերջին ռուսական ուժերն իսկապես «Իսկանդեր» էին կիրառել ահաբեկչական խմբավորումների դեմ։ Հետագայում, ինչպես ենթադրում է ԱԱԾ նախկին տնօրենը, ոչ առանց Թուրքիայի գործուն մասնակցության` Շուշի են բերվել սադրանք կազմակերպելու նպատակով։

«Իսկանդերի» հնարավորություններն ու առավելությունները

Ըստ թեմայի

«Չեմ պատրաստվում պետական գաղտնիք բացել»․ Դավիթ Տոնոյանը՝ «Իսկանդերի» կիրառման մասին
Թուրքիայի մեծ խաղադրույքը, կամ ինչո՞ւ պատերազմի ժամանակ Իրանը լռեց
«Ճշմարտությունը վերականգնվեց». Պեսկովը մեկնաբանել է «Իսկանդերի» մասին հայտարարությունները
Փաշինյանը սխալ հաշվարկ արեց. Սարգսյանը` «Իսկանդերի» և վտանգված հարաբերությունների մասին
թեգերը:
Արցախ, Թուրքիա, Ադրբեջան, Իսկանդեր, Շուշի, Դավիթ Շահնազարյան, Հայաստան

Այլ տեսանյութեր

Գլխավոր թեմաներ