04:07 17 մայիսի 2021
Ուղիղ եթեր
  • USD522.48
  • GBP734.61
  • EUR632.67
  • RUB7.06
Տեսանյութեր

«Ես քեզ չեմ ատում, ես խղճում եմ քեզ». Փաշինյանը բանաստեղծությամբ պատասխանեց Ալիևին

Ստանալ կարճ հղումը
ՀՀ վարչապետ Նիկոլ Փաշինյան (1197)
60610
© Sputnik

ՀՀ վարչապետը հիշեց տարիներ առաջ գրված բանաստեղծությունը և շեշտեց, որ դա այսօրվա պատասխանն է Իլհամ Ալիևին։

ՀՀ վարչապետ Նիկոլ Փաշինյանն այսօր Ազգային ժողովում անդրադարձավ Ադրբեջանի նախագահ Իլհամ Ալիևի վերջին հայտարարություններին` շեշտելով, որ դրանք նոր չեն։

«Հիմա նոր ոգևորություն է մտել, և իմ կարծիքով` որոշակի դիագնոզ է մտել այդ հայտարարությունների մեջ, որովհետև ստեղծել թանգարան, որտեղ պատկերված են զոհված զինվորների մարմիններ, դրա ֆոնին նկարվել և դա ի ցույց դնել միջազգային ու սեփական հանրությանը, կարծում եմ` հոգեբանական աջակցության հարց է առաջանում։ Ոչ թե պետք է ագրեսիվությամբ ու վրեժով, այլ կարեկցանքով լցվել նման մարդկանց նկատմամբ»,– ասաց Փաշինյանը։

Այնուհետև նա հիշեց մի բանաստեղծություն և շեշտեց, որ դա այսօրվա մեր պատասխանն է Իլհամ Ալիևին։

«Եթե չեմ սխալվում, Իգնատ Մամյանը 1988-ին կամ 99-ին բանաստեղծություն էր գրել ղարաբաղյան հակամարտության առիթով, այսպիսի մի քառատող կար.

Ես քեզ չեմ ատում, ես խղճում եմ քեզ։
Այդպես խղճում են մարդիկ խելացի
Հոգեհիվանդի մռայլ վանդակից
իրեն հայհոյող խենթ արարածին։

Կարծում եմ` այս քառատողը այսօրվա մեր պատասխանն է Իլհամ Ալիևին»,– շեշտեց Փաշինյանը։

«Առաջին նախագահն ինձ ասաց` հողերն արդեն պետք է տաս». Նիկոլ Փաշինյանը գաղտնիք բացեց

Հիշեցնենք` Բաքվում բացվել է որպես ավար վերցված հայկական զրահատեխնիկայի պուրակ, որը տեղակայվել է հինգ հեկտար տարածքում։ Ըստ ադրբեջանական լրատվամիջոցների` այգու մուտքի մոտ կարելի է տեսնել ադրբեջանական բանակի կողմից վերցված ավելի քան 2000 ավտոմեքենաների համարանիշներ, ինչպես նաև բազմաթիվ սաղավարտներ։ Տարածքում կան նաև հայ զինվորների արյունոտ մանեկեններ։ 

«Ստախոսներից այլ բան չէր կարելի սպասել». Օնիկ Գասպարյանը պատասխանել է Նիկոլ Փաշինյանին

Ալիևը երեկ Բաքվում կայացած «Նոր հայացք Հարավային Կովկասին․ հետկոնֆլիկտային զարգացում և համագործակցություն» կոնֆերանսի ժամանակ Հայաստանի հետ հետագա հարաբերություններին, տարածաշրջանում տիրող իրավիճակին վերաբերող մի շարք սկանդալային հայտարարություններ է արել։


թեմա:
ՀՀ վարչապետ Նիկոլ Փաշինյան (1197)

Ըստ թեմայի

Որպես բանակցային հարց պետք է դնենք ԼՂԻՄ տարածքի դեօկուպացիայի խնդիրը. Փաշինյան
Լելե Թեփեի օպերացիայի առաջարկի հեղինակը եղել է գեներալ. Նիկոլ Փաշինյան
Կրկնակի ծափահարություններ Փաշինյանին. սոցցանցերում քննադատում են իմքայլականներին
Թուրքերը մեր թշնամի՞ն են. Նիկոլ Փաշինյանը պատասխանեց այս հարցին
թեգերը:
բանաստեղծություն, Իլհամ Ալիև, Նիկոլ Փաշինյան, Հայաստան

Այլ տեսանյութեր

Գլխավոր թեմաներ