Էդգար Էլբակյանի դիտարկմամբ` Նիկոլ Փաշինյանի ելույթն ամբողջությամբ պետք է դիտարկել նախընտրական շրջանում մղվող պայքարի տրամաբանության մեջ։ Ըստ նրա` Փաշինյանը որոշ դեպքերում կա՛մ դիտմամբ, կա՛մ չիմանալով` ստում է, և նրա խոսքն ունի ակնհայտ շահադիտական մղումներ` թիրախավորելով հնարավոր բոլոր մրցակիցներին։
«Կլինիկական փաստ է, այդ մարդն իր խոստումները չի պահում։ Նոյեմբերյան կապիտուլյացիայից մեկուկես շաբաթ անց նա հրապարակեց ինչ–որ «ճանապարհային քարտեզ», թեև դա լրիվ ուրիշ ժանրի փաստաթուղթ է, ֆեյսբուքյան գրառումով չես կարող հրապարակել։ Ինչևէ, ինչ–որ կետեր էր գրել։ Բացեք ու նայեք, թե այդ կետերից քանիսն է իրականացվել։ Իմ հաշվարկով` երկու–երեքը, որոնք ունեին ներքաղաքական նշանակություն, որոնք անհրաժշետ էին իշխանությունը պահելու համար, իսկ զինհաշմանդամներին առնչվող հարցերի, Արցախում բնականոն կենսագործունեության վերականգնման, Հայաստանում հասարակական համերաշխության հաստատման առումով ոչինչ չի արվել»,– նշեց քաղաքագետը։
Անդրադառնալով բոլորին հուզող անվտանգության հայեցակարգային հիմնահարցերին` Էլբակյանն ընդգծեց, որ առանց արդյունավետ բանակի, Հայաստանն այս տարածաշրջանում դատապարտված է ոչնչացման։ Ըստ նրա` մենք ունենք մեկ բնական դաշնակից` ի դեմս Ռուսաստանի, որի հետ համընկնում են մեր գերակա շահերը։
Նիկոլ Փաշինյանը խոստանում է հրապարակել Օնիկ Գասպարյանի ասածը
Քաղաքագետի պնդմամբ` անհրաժեշտ է յուրաքանչյուր լուման օգտագործել նպատակային և ցանկացած սպառազինության գնում իրականացնել գիտականորեն ու տեխնիկապես հիմնավորված` հստակ պատկերացնելով, թե ինչ խնդիրներ են լուծվելու։
Էլբակյանի համոզմամբ` եթե լինի ազգային ներհայեցողություն ունեցող իշխանություն, ապա բանակը հնարավոր է վերականգնել, հետևաբար միայն ազգային իշխանության պարագայում հաղթական ռևանշը կլինի հնարավոր։
Եթե Ադրբեջանը տեսներ, որ Հայաստանի անկումը շարունակվում է, պատերազմ չէր անի․ Փաշինյան
