18:40 19 հունիսի 2021
Ուղիղ եթեր
  • USD513.73
  • GBP713.98
  • EUR612.16
  • RUB7.12
Տեսանյութեր

Հայաստանում մայորը բռնվել է կաշառքը վերցնելու պահին ու ձերբակալվել․ տեսանյութ

Ստանալ կարճ հղումը
182 0 0

ՀՀ ՊՆ զորակոչային և զորահավաքային համալրման ծառայության Վայոց Ձորի մարզի տարածքային ստորաբաժանման բաժանմունքի պետը քաղաքացուց 600 հազար դրամ կաշառք է պահանջել։

Հայաստանում զինվորական է ձերբակալվել կաշառք վերցնելու համար։ Տեղեկությունը հայտնում է ՀՀ ոստիկանության մամուլի ծառայությունը։

Քրեական ոստիկանության գլխավոր վարչության (ՔՈԳՎ) կոռուպցիոն և տնտեսական հանցագործությունների դեմ պայքարի վարչությունը հաղորդում է ստացել, որ մի քաղաքացու զինապարտության տարկետումը դեռևս 2016 թվականին լրացած լինելու պայմաններում լրացուցիչ բժշկական հանձնաժողովային հետազոտումներ չանցկացնելու, այդ կապակցությամբ զինվորական գրքույկում համապատասխան նշումներ անելու, զինվորական գրքույկը կնիքելու և զինապարտության հարցը վերջնականապես լուծելու համար ՀՀ ՊՆ զորակոչային և զորահավաքային համալրման ծառայության Վայոց Ձորի մարզի տարածքային ստորաբաժանման բաժանմունքի պետը զինվորական կոմիսարիատի շենքում քաղաքացուց, որպես կաշառք, պահանջել էր 600 հազար դրամ, որը պետք է փոխանցվեր ապրիլի 13-ին կամ 14-ին:

Կոռուպցիոն և տնտեսական հանցագործությունների դեմ պայքարի ու Վայոց Ձորի մարզային վարչությունների ծառայողների համատեղ իրականացրած օպերատիվ-հետախուզական միջոցառումների արդյունքում ապրիլի 14-ին հիշյալ ստորաբաժանման բաժանմունքի պետը 600 հազար դրամը ստանալու պահին բռնվել ու բերման է ենթարկվել ոստիկանության Եղեգնաձորի բաժին:

Խուզարկությամբ նրա մեքենայի պահախցից հայտնաբերվել է 600 հազար դրամը։ Հարուցվել է քրեական գործ։

Բերման ենթարկվածը, որ կոչումով մայոր է, ձերբակալվել է։

Ոստիկանության ծառայողը կաշառք է ուզել քրգործերից մեկով անցնող անձից. ԱԱԾ բացահայտումը

Ըստ թեմայի

Ֆինանսների նախկին նախարարին և ՊԵԿ–ի ծառայողներին կաշառք են տվել. հարուցվել է քրգործ
ՃՈ տեսուչը կաշառքով օժանդակել է վարորդական իրավունքներ ստանալու հարցում
Կաշառք են տվել ու ստացել. ԱԱԾ-ն ձերբակալել է Գյումրիի զբաղվածության կենտրոնի 8 աշխատակցի
թեգերը:
տեսանյութ, Ձերբակալություն, Կաշառք, Հայաստան

Այլ տեսանյութեր

Գլխավոր թեմաներ