12:15 09 մայիսի 2021
Ուղիղ եթեր
  • USD522.09
  • GBP726.75
  • EUR630.68
  • RUB7.05
Տեսանյութեր

ԱՄՆ-ն Աֆղանստանում ա՞յլ նպատակներ ունի

Ստանալ կարճ հղումը
54 0 0
© Ruptly

Թե ինչի՞ համար ԱՄՆ-ն պետք է պատասխան տա Աֆղանստանի թալիբներին, դիտեք տեսանյութում։

Աֆղանստանի բնակիչները վրդովված են Բայդենի՝ իրենց երկրից ամերիկյան զորքերը դուրս բերելու որոշումից։ ԱՄՆ նախագահը հայտարարել է, որ զինվորների տուն վերադառնալու ժամանակն է։ Բայց չէ՞ որ նրանց այդպես էլ չի հաջողվել պայմանավորվել թալիբների հետ և խաղաղության հասնել, ինչին նրանք ձգտել են գրեթե 20 տարի։ Երբ ԱՄՆ զորքերը դուրս գան Աֆղանստանից, դրա համար, ըստ ՌԴ ԱԳՆ-ի, նրանք ստիպված կլինեն բացատրություն տալ գրոհայիններին։

«Եթե նրանք ուզում են հեռանալ, նախ պետք է ավարտին հասցնեն խաղաղության հասնելու գործընթացը թալիբների հետ, հետո լքեն Աֆղանստանը։ Հակառակ դեպքում ռազմական գործողությունները երկրում կավելանան, ուստի նախքան հեռանալը նրանք պետք է ավարտեն պատերազմը թալիբների հետ»,– ասում է Ռոհուլա Խիսարարկը, որը Ջելալաբադում ռիկշայի վարորդ է։

Զորքերի աստիճանական դուրսբերումը Ջո Բայդենը խոստացել է սկսել արդեն մայիսի 1-ին։ Մինչև աշուն 2,5 հազար ամերիկացի զինվորներ պետք է լքեն Աֆղանստանը։

Նրանք դա պետք է անեն մինչև սեպտեմբերի 11-ը` Համաշխարհային առևտրի կենտրոնում ու Պենտագոնում ահաբեկչությունների 20-րդ տարելիցի օրը։

Այդ ողբերգական իրադարձություններից հետո ԱՄՆ-ն ահաբեկիչների դեմ պատերազմ էր հայտարարել։

«Մեր դաշնակիցների ու գործընկերների, մեր ռազմական առաջնորդների ու հետախուզության աշխատակիցների, մեր դիվանագետների ու փորձագետների, Կոնգրեսի ու փոխնախագահի, ինչպես նաև պարոն Ղանիի (Աֆղանստանի նախագահի) ու աշխարհի շատ ուրիշների հետ սերտ խորհրդակցություններից հետո ես եկել եմ այն եզրակացության, որ ժամանակն է վերջ դնել Ամերիկայի ամենաերկար պատերազմին, ժամանակն է, որ ամերիկյան զորքերը տուն վերադառնան»,–ասել է  ԱՄՆ նախագահ Ջո Բայդենը:

Ռուսաստանն ու ԱՄՆ-ն կիսում են եվրոպական շուկան. ո՞վ կլցնի գազի պահեստարանները

Ավելի վաղ ծրագրվել էր, որ ամերիկյան զորքերն Աֆղանստանից կհեռանան մինչև մայիսի 1-ը։ Այդ օրը ամրագրված է եղել համաձայնագրում, որը ԱՄՆ նախկին նախագահ Թրամփի վարչակազմը կնքել է թալիբների հետ։

Ռուսաստանի ԱԳՆ-ում արձագանքել են ամերիկյան ղեկավարության ժամկետները հետաձգելու որոշմանը։

«Մենք չէինք ցանկանա, որ Աֆղանստանում իրադարձությունների հետագա զարգացման սցենարը ռազմական լինի: Այժմ ամերիկացի գործընկերները պետք է բացատրություն տան թալիբներին, որոնց հետ նրանք համաձայնագիր են ստորագրել։ Պայմանագրերը պետք է կատարվեն»,–ասել է Աֆղանստանի հարցով Ռուսաստանի նախագահի հատուկ ներկայացուցիչ, Ռուսաստանի ԱԳՆ Ասիայի երկրորդ դեպարտամենտի ղեկավար Զամիր Կաբուլովը։

Սակայն, ըստ Politico պարբերականի, ԱՄՆ-ի որոշ բարձրաստիճան զինվորականներ ուզում են պահպանել Աֆղանստանում ամերիկյան ներկայությունը, գոնե փոքր` ի դեմս հատուկ նշանակության ուժերի ու ռազմական խորհրդականների։

Նրանց կարծիքով ՝ դա զսպելու է գրոհայիններին, բայց կկարողանան արդյո՞ք ամերիկացիները խուսափել փոքր կազմով բախումներից, եթե 20 տարվա ընթացքում նրանց մոտ այդպես էլ ոչինչ չստացվեց

Թե՞ ԱՄՆ-ն Աֆղանստանում այլ նպատակներ ունի։

թեգերը:
Աֆղանստան, Ռուսաստան, ԱՄՆ

Այլ տեսանյութեր

Գլխավոր թեմաներ