«Սմերչ» համազարկային կրակի ռեակտիվ համակարգերը մեկը չավարտած, մյուս զորավարժությունն են սկսել Հայաստանում։ Միավորների մի մասը տեսադաշտում են, մյուսներն ավելի խորքում են դասավորվել։ Կրակն արձակում են ոչ թե համազարկով, այլ թիրախները հերթով խոցելով։
Սա վերջին երկու ամսվա ընթացքում երկրորդ վարժանքն է. «Սմերչերը» լայնածավալ զորավարժություններում էին ներգրավվել նաև մարտին։
Պաշտպանության նախարարության «Զինուժ» ծրագրի ռեպորտաժում նշվում է, որ զորավարժություններում կիրառվել են այդ հարվածային համակարգերի լավագույն նմուշները:
«Սմերչերի» մարտական հաշվարկները մշակել են նաև արագ տեղաշարժման վարժություններ, արտակարգ իրադրության վերացում, օրինակ՝ արձակման կայանքի հրդեհ, որն առաջացել է օդից պայմանական հակառակորդի հարվածի հետևանքով:
Հայաստանը չի մասնակցի ՆԱՏՕ–ի զորավարժություններին. նախարարությունը հերքել է
Հրթիռային զորքերի և հրետանու վարչության շտաբի պետ Ռուբեն Գասպարյանի խոսքով՝ ՀԿՌՀ անձնակազմի մոտ 95 տոկոսը մասնակցել է նախորդ տարվա պատերազմին՝ կուտակելով մարտական հսկայական փորձ: Իսկ նման զորավարժությունները մարտական հմտությունները մշակելու լրացուցիչ հնարավորություն են տալիս։
Ռուսական զորքերի զորավարժությունների տեսանյութը հայտնվել է համացանցում
