02:22 11 մայիսի 2021
Ուղիղ եթեր
  • USD522.37
  • GBP735.97
  • EUR635.31
  • RUB7.06
Տեսանյութեր

Երևանի կենտրոնում շահումով խաղեր են կազմակերպել. 5 միլիարդ 500 միլիոնի վնաս է պատճառվել

Ստանալ կարճ հղումը
144 0 0

Դեպքի վայրի զննությամբ հայտնաբերվել են խաղատնային բազմատեսակ պարագաներ, որոնք առգրավվել են հետագա գործողությունների համար։

Ոստիկանությունը բացահայտել է Երևանի կենտրոնում առանց թույլտվության «Պոկեր» խաղի կազմակերպում, որի ընթացքում շուրջ 5 միլիարդ 500 միլիոն դրամի վնաս է պատճառվել պետությանը։

«Մի տղամարդ մարտ ամսից Երևան քաղաքի Արամ Խաչատրյան փողոցի բնակարաններից մեկում, իսկ հետագայում՝ Մաշտոցի պողոտայում գտնվող մի սրճարանի տարածքում, առանց պետական գրանցման և առանց հատուկ թույլտվության վարձու խաղավարի միջոցով կազմակերպել է «պոկեր» տեսակի շահումով խաղեր։ Դրանց շրջանակներում 1000, 5000 և 25 000 դրամին համարժեք խաղաքարերով խաղադրույքներ ընդունելու և մասնակիցներից շահումից 3%-ի չափով գանձումներ կատարելու եղանակով՝ օրական ստացել է շուրջ 300 000 դրամի շահույթ»,–նշված է հաղորդագրության մեջ։

Տղամարդը չի վճարել գործունեության համար սահմանված պետական տուրքը, ինչի հետևանքով պետության օրինական շահերին պատճառվել է առանձնապես խոշոր չափի՝ շուրջ 5 միլիարդ 500 միլիոն դրամի վնաս։

Երևանյան «Հոլիվուդում» գործող ապօրինի խաղատունը պետությանը 5,5 միլիարդի վնաս է պատճառել

Դեպքի վայրի զննությամբ հայտնաբերվել են խաղատնային բազմատեսակ պարագաներ, որոնք առգրավվել են հետագա գործողությունների համար։ Բացի այդ, բերման ենթարկված խաղի մասնակից անձանցից մեկի խուզարկությամբ հայտնաբերվել են առանց թույլտվության գազային ատրճանակ, փամփուշտներ ու 15 սմ երկարությամբ շեղբով ծալովի դանակ:

Փաստի առթիվ հարուցվել է քրեական գործ, որն ուղարկվել ՊԵԿ քննչական վարչություն:

Ոստիկանությունն ապօրինի խաղատուն է բացահայտել Երևանում. տեսանյութ

 

թեգերը:
ՀՀ Ոստիկանություն, Երևան, Հայաստան

Այլ տեսանյութեր

Գլխավոր թեմաներ