Լոնդոնի կենտրոնում ուժգին պայթյուն է որոտացել: Հրշեջները փորձում են մարել մետրոյի Elephant & Castle կայարանի մոտ բռնկված խոշոր հրդեհը, տեղեկացնում է ՌԻԱ Նովոստին: Այրվում են կոմերցիոն շինություններ, մեքենաներ և հեռախոսային խցիկ:
28 հունիսի 2021, 11:07
Այրվում է երկաթուղու կամարների ներքևի մասի երեք առևտրային օբյեկտ, չորս մեքենա և Elephant and Castle երկաթգծի կայարանի հեռախոսային խցիկը: Ճանապարհները փակ են, մարդկանց խորհուրդ է տրվում խուսափել այցելել այդ շրջան, ինչպես նաև փակ պահել պատուհաններն ու դռները:
Հրդեհի վայրում աշխատում է տասը հրշեջ մեքենա և 70 հրշեջ:
Ոստիկանությունը հայտարարել է, որ պայթյունն ու հրդեհը ահաբեկչության հետ կապ չունեն։
