07:36 24 հուլիսի 2021
Ուղիղ եթեր
  • USD483.42
  • GBP664.12
  • EUR568.89
  • RUB6.57
Տեսանյութեր

Վրաստանում պատգամավորների մասնակցությամբ ծեծկռտուք է տեղի ունեցել. տեսանյութ

Ստանալ կարճ հղումը
84 0 0

Շենք ներխուժած լրագրողներն ու ընդդիմության ներկայացուցիչները տապալել են Վրաստանի խորհրդարանի լիագումար նիստը։

Վրաստանի խորհրդարանում միանգամից մի քանի ընդհարում և քաշքշուկ է տեղի ունեցել այն բանից հետո, երբ լրագրողներն ու ընդդիմադիրները ներխուժել են երկրի օրենսդիր մարմնի նիստերի դահլիճ՝ հանդիպում պահանջելով պատգամավորների հետ:

Լրագրողները ցանկացել են մեծամասնություն կազմող պատգամավորների հետ խոսել վրացական «ԹիՎի Պիրվելի» հեռուսաալիքի օպերատոր Ալեքսանդ Լաշկարավայի մահվան մասին։ Ավելի վաղ՝ հուլիսի 5-ին, Լաշկարավային ծեծել էին ԼԳԲՏ հանրության հակառակորդները։

Թեև անվտանգության աշխատակիցները թույլ չեն տվել, որ ընդդիմադիրներն ու լրագրողները ներս մտնեն, այդուհանդերձ նրանց հաջողվել է ներխուժել խորհրդարան։ Դրանից հետո կռիվ է սկսվել «Միացյալ ազգային շարժում» և «Ագմաշանեբելի ռազմավարություն» ընդդիմադիր կուսակցությունների նախագահների, ինչպես նաև իշխող «Վրացական երազանք» կուսակցության անդամների մասնակցությամբ։ Նիստն ընդհատվել է։ Անվտանգության աշխատակիցներն այնուամենայնիվ կարողացել են բաժանել կռվի մասնակիցներին։

Այս պահին լրագրողներն ու ընդդիմադիրները խորհրդարանի մոտ են։ Ժամը 18։00-ին Լաշկարավայի մահվան կապակցությամբ բողոքի ակցիա է նախատեսված։

Վրաստանի վարչապետն անդրադարձել է Թբիլիսիի անկարգություններին

Հիշեցնենք` Վրաստանի մայրաքաղաքում անկարգություններ տեղի ունեցան հուլիսի 5-ին, երբ ավանդական արժեքների պաշտպանները, որոնք ցույցի էին դուրս եկել ընդդեմ ԼԳԲՏ անձանց իրավունքների պաշտպանության երթի, հարձակվեցին լրագրողների և սովորական անցորդների վրա:

Ավելի վաղ Վրաստանի վարչապետ Իրակլի Ղարիբաշվիլին կառավարության նիստում խոստացել էր պատժել բոլոր այն մարդկանց, որոնք ագրեսիա են դրսևորել Թբիլիսիում տեղի ունեցած անկարգությունների ժամանակ:

Թեժ գիշեր Թբիլիսիում. ԼԳԲՏ–ի պատճառով կազմակերպված ցույցերից հետո ձերբակալվածներ կան

թեգերը:
Ծեծկռտուք, խորհրդարան, տեսանյութ, Վրաստանի Հանրապետություն

Այլ տեսանյութեր

Գլխավոր թեմաներ