06:19 04 օգոստոսի 2021
Ուղիղ եթեր
  • USD490.93
  • GBP683.08
  • EUR583.32
  • RUB6.74
Տեսանյութեր

Ֆուտբոլն այն ոլորտներից է, որտեղ հանրությունը տեսնում է իրական փոփոխություններ. Փաշինյան

Ստանալ կարճ հղումը
55 0 0

ՀՖՖ–ն պատրաստվում է 2022-ին կամ 2024-ին նվազագույն խնդիրը կատարել՝ դուրս գալ Աշխարհի կամ Եվրոպայի առաջնության եզրափակիչ փուլ։

Հայաստանի մինչև 2050 թվականի վերափոխման ռազմավարության մեջ ընդգծվել է՝ ակնկալվում է, որ ՀՀ ֆուտբոլի ազգային հավաքականը շատ կոնկրետ արդյունքներ կարձանագրի: Հայաստանի ֆուտբոլի ֆեդերացիայի նախագահ Արմեն Մելիքբեկյանի և ՀՖՖ նախագահի առաջին տեղեկալ Արմեն Նիկողոսյանի հետ հանդիպման ժամանակ ասել է վարչապետի պաշտոնակատար Նիկոլ Փաշինյանը, հայտնում է ՀՀ վարչապետի մամուլի ծառայությունը։

«Մեր ակնկալիքն է, որ մինչև այդ ժամանակաշրջանը հավաքականը ոչ միայն դուրս կգա Եվրոպայի կամ Աշխարհի առաջնության եզրափակիչ փուլ, այլև կկարողանա դառնալ մրցանակակիր: Իհարկե, հասկանալի է, որ սա բավականին բարդ և երկար ճանապարհ է, բայց ամեն դեպքում ֆուտբոլային տնտեսության և ենթակառուցվածքների զարգացումը կարևոր է ոչ միայն զուտ մարզական, այլև երկրի սոցիալ-տնտեսական կյանքը կազմակերպելու առումով»,–ասել է Փաշինյանը։

Նրա խոսքով` ֆուտբոլն այն ոլորտներից է, որտեղ մեր հանրությունը տեսնում է իրական և էական փոփոխություններ: Փաշինյանը նշել է նաև, որ ֆուտբոլի ազգային հավաքականը երկրի համար չափազանց ծանր և դժվար ժամանակաշրջանում իր հաղթանակներով, ըստ էության, դարձավ երկրի և ժողովրդի դրական զգացողությունների վերադարձի առաջամարտիկը:

Արմեն Մելիքբեկյանն էլ իր հերթին ասել է` շատ կարևոր է, որ իրոք ծանր պահերին ֆուտբոլը որպես սոցիալական ֆենոմեն կարողացել է որոշակի աջակցություն բերել Հայաստանին:

«Այժմ ավելի կայուն փուլում մենք ունենք մեր նպատակները: Ասեմ, որ Հայաստանի ֆուտբոլի ֆեդերացիայի ռազմավարությունը գրված է մինչև 2025 թվականը և պատրաստվում ենք մինչև այդ ժամանակահատվածը՝ 2022-ին կամ 2024-ին նվազագույն խնդիրը կատարել՝ դուրս գալ Աշխարհի կամ Եվրոպայի առաջնության եզրափակիչ փուլ»,–ասել է Մելիքբեկյանը:

Նա հավելել է, որ հաջորդ տարի նշելու են ՀՖՖ-ի, ազգային հավաքականի հիմնադրման 30-ամյակը: ՀՖՖ նախագահի խոսքով` մեկնարկային երեք խաղերում ազգային հավաքականի երեք հաղթանակ ունի, սակայն շատ դժվար խաղեր են սպասվում աշնանը։ Բայց ամեն դեպքում, ըստ նրա, և՛ ֆուտբոլիստները, և՛ մարզչական կազմն ու ՀՖՖ վարչական հատվածի ներկայացուցիչները հասկանում են երկրի համար այս հաղթանակների կարևորությունը»:

Ինչպիսի՞ ֆուտբոլ է սպասվում. Շվեդիայում խաղացած հայ ֆուտբոլիստների կանխատեսումները

Հիշեցնենք, որ Աշխարհի 2022թ.-ի առաջնության եվրոպական ընտրական J խմբում Հայաստանի հավաքականը երեք անընդմեջ հաղթանակներից հետո, 9 միավորով գխավորում է խմբի մրցաշարային աղյուսակը։

Իսկ հաջորդ խաղերը մեր ընտրանին անցկացնելու է աշնանը։ Սեպտեմբերի 2-ին մրցակցի հարկի տակ Հյուսիսային Մակեդոնիայի, իսկ սեպտեմբերի 5-ին Գերմանիայի հետ։ Սեպտեմբերի 8-ին մեր թիմը հյուրընկալելու է Լիխտենշտեյնի ընտրանուն։

Հայտնի է` ով է Հայաստանի առաջնության լավագույն ֆուտբոլիստը

Ըստ թեմայի

Ֆուտբոլիստը` տրիբունայում. ի՞նչ է պատմում Արմեն Շահգելդյանը Ռուսաստան- Բելգիա խաղից
Արարատ-Արմենիայի երկրպագուները պահանջում են հեռացնել մարզիչին և «տուրիստ ֆուտբոլիստներին»
Ֆուտբոլային մեկնաբան Կարեն Ռաֆայելյանի՝ Եվրո-2020–ի հավատարմագրումը հաստատվել է
թեգերը:
ֆուտբոլ, Նիկոլ Փաշինյան, Հայաստանի ֆուտբոլի ֆեդերացիա, Արմեն Մելիքբեկյան

Այլ տեսանյութեր

Գլխավոր թեմաներ