https://arm.sputniknews.ru/20210808/170-sevan-jrar-hashvekshir-28598043.html
Սևանա լիճը կարող է դուրս գալ հավասարակշռությունից. մասնագետն ահազանգում է
Սևանա լիճը կարող է դուրս գալ հավասարակշռությունից. մասնագետն ահազանգում է
Sputnik Արմենիա
Հիդրոէկոլոգիայի և ձկնաբանության ինստիտուտի տնօրեն Էվելինա Ղուկասյանը Sputnik Արմենիայի հետ զրույցի ընթացքում անդրադարձել է Սևանից այս տարի մինչև 245 միլիոն խմ... 08.08.2021, Sputnik Արմենիա
2021-08-08T14:12+0400
2021-08-08T14:12+0400
2021-08-08T14:17+0400
տեսանյութեր
մուլտիմեդիա
սևան
սևանա լիճ
ջրառ
sputnik զրույց
https://cdn.am.sputniknews.ru/img/07e5/08/07/28590387_10:-1:1920:1080_1920x0_80_0_0_2706b863f9362242c7d26ffcd01ab18d.jpg
Սևանա լճից 170 մլն խմ ջրառի չափաքանակը պատահաբար ընտրված ցուցանիշ չէ. դրա գերազանցումը նշանակում է խախտել լճի հաշվեկշիռը։ Դա բազմամյա տարիների միջին արժեքն է, որի դեպքում Սևանա լճի ջրային հաշվեկշիռը մնում է անփոփոխ և կայուն, հետևաբար կայուն է մնում նաև էկոհամակարգի վիճակը։ Տասնյակ տարիներ նշված ցուցանիշը չի խախտվել և պատահական չէ, որ այն հաստատվել էր 2001 թվականին ընդունված Սևանա լճի մասին օրենքով, բայց այսօր հայտնվել ենք այնպիսի իրավիճակում, որ միայն էկոհամակարգի վիճակից ելնելով` Սևանի խնդրի գնահատումը ճիշտ չէ։ Sputnik Արմենիայի հետ զրույցում նման տեսակետ հայտնեց Էվելինա Ղուկասյանը«Մեր երկիրն արդեն այնպիսի բազմակողմանի պորբլեմների մեջ է խրված, որ մենք պետք է ավելի լայն նայենք Սևանի խնդրին, թեև պետք է խոստովանել, որ 245 մլն խ/մ ջրառ իրականացնելու դեպքում կունենանք լճի մակարդակի իջեցում մի քանի սանտիմետրով, ինչն ընդհանուր առմամբ անցանկալի երևույթ է։ Ավելի լավ է լիճը թողնել մշտապես ինչ–որ կայուն մակարդակի վրա, քան անընդհատ բարեձրացնել–իջեցնել, որովհետև տատանումների ժամանակ ափամերձ գոտին անընդհատ լվացվում է և այդտեղ գտնվող ամբողջ բուսածածկն աղտեղություններով, կենսածին տարրերով հանդերձ` ալիքի հետ միասին անցնում են լճի ափամերձ տարածքներ, ինչից էլ սկսվում է լճի ծաղկման գործընթացը»,– ասաց Հիդրոէկոլոգիայի և ձկնաբանության ինստիտուտի տնօրենը։Ղուկասյանի փոխանցմամբ` վերջին տարիներին, սկսած 2018 թվականից, Սևանա լճի ծաղկման գործընթացները դարձել են ավելի հաճախակի և տեղի են ունենում ավելի մեծ խորությամբ։ Ավելին` մի շարք գործոններ սկսել են համատեղ ազդել, և եթե հաշվի առնենք նաև կլիմայի գոլբալ փոփոխությունները, ապա կարելի է ասել, որ Սևանա լիճն անփույթ վերաբերմունքի դեպքում կարող է դուրս գալ հավասարակշռությունից, իսկ ցանկացած խախտում կարող է ունենալ լուրջ հետևանքներ։Պատգամավորները կառավարությանն արգելում են Սևանից հավելյալ ջրառի հարցով դիմել իրենցՀիդրոէկոլոգիայի և ձկնաբանության ինստիտուտի տնօրենի գնահատմամբ` Սևանի մակարդակի համար ցուցիչ պետք է ընդունվի ոչ թե հունիսը կամ հուլիսը, այլ դեկտեմբերը, քանի որ հենց այդ ամսին են կատարվում ջրի մակարդակի ինտեգրալ գնահատումներ։Նրա պնդմամբ` ճիշտ կլինի, եթե որևէ երևույթի մասին խոսեն մասնագետները, այլ ոչ թե անգամ ղեկավար անձինք, որոնք ոլորտի մասնագետ չեն։ Ասում է` Սևանի օգնությանը պետք է դիմել ծայրահեղ անհրաժեշտության դեպքում։ Ղուկասյանը ցավով արձանագրեց, որ մեր ոռոգման համակարգը գտնվում է քայքայված վիճակում, ջրի կորուստները կազմում են 70 տոկոս, ինչին պատասխանատուները նայում են անտարբերությամբ, այնինչ անհրաժեշտ է լրջորեն պայքարել ջրի կորուստների դեմ, որպեսզի ամեն առիթի դեպքում չդիմենք Սևանա լճի օգնությանը։Նշենք, որ ոռոգման նպատակով Սևանա լճից 2021թ․-ի բացթողման 170 մլն մ³ չափաքանակը նախատեսվում է դարձնել մինչև 245 մլն մ³։ Կառավարության նիստի ժամանակ այդ մասին հայտարարել տարածքային կառավարման և ենթակառուցվածքների նախարար Գնել Սանոսյանը` ներկայացնելով «Սևանա լճի էկոհամակարգի վերականգնման, պահպանման, վերարտադրման և օգտագործման միջոցառումների տարեկան ու համալիր ծրագրերը հաստատելու մասին» օրենքում լրացումներ կատարելու մասին նախագիծը։Բադեյան. «Սևանից լրացուցիչ ջրառի որոշումը հակաօրինական է»Շրջակա միջավայրի նախարար Ռոմանոս Պետրոսյանի տեղեկացմամբ` այս պահի դրությամբ Սևանա լճի մակարդակը նախորդ տարվա համեմատ 4 սանտիմետրով ցածր է, իսկ թույլատրելի 170 մլն մ³ ջրառից արդեն իսկ կատարվել է 157 մլն մ³-ը։Հիշեցնենք, որ մայիսի 10-ին ԱԺ նիստի ժամանակ ՀՀ վարչապետ Նիկոլ Փաշինյանը հայտարարել էր, որ առաջիկայում սպասվում է իրենց կառավարման սենսացիոն նորություններից մեկը` 2021 թվականի հունիս-հուլիս ամիսներին Սևանա լճի մակարդակը ամենաբարձրը կլինի վերջին 60 տարվա ընթացքում:
https://arm.sputniknews.ru/20190821/havelyal-jrar-chi-arvi-pashinyany-nor-tver-e-hraparakel-20128322.html
https://arm.sputniknews.ru/20190404/tarin-jrarate-sevana-lji-makardaky-45sm-ov-kbarcrana-17923741.html
սևան
Sputnik Արմենիա
media@sputniknews.com
+74956456601
MIA „Rosiya Segodnya“
2021
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
տեսանյութեր, մուլտիմեդիա , սևան, սևանա լիճ, ջրառ, sputnik զրույց
տեսանյութեր, մուլտիմեդիա , սևան, սևանա լիճ, ջրառ, sputnik զրույց
Սևանա լիճը կարող է դուրս գալ հավասարակշռությունից. մասնագետն ահազանգում է
14:12 08.08.2021 (Թարմացված է: 14:17 08.08.2021) Հիդրոէկոլոգիայի և ձկնաբանության ինստիտուտի տնօրեն Էվելինա Ղուկասյանը Sputnik Արմենիայի հետ զրույցի ընթացքում անդրադարձել է Սևանից այս տարի մինչև 245 միլիոն խմ ջրառ իրականացնելուն, ինչպես նաև լճի էկոհամակարգին առնչվող տարաբնույթ խնդիրներին։
Սևանա լճից 170 մլն խմ ջրառի չափաքանակը պատահաբար ընտրված ցուցանիշ չէ. դրա գերազանցումը նշանակում է խախտել լճի հաշվեկշիռը։ Դա բազմամյա տարիների միջին արժեքն է, որի դեպքում Սևանա լճի ջրային հաշվեկշիռը մնում է անփոփոխ և կայուն, հետևաբար կայուն է մնում նաև էկոհամակարգի վիճակը։ Տասնյակ տարիներ նշված ցուցանիշը չի խախտվել և պատահական չէ, որ այն հաստատվել էր 2001 թվականին ընդունված Սևանա լճի մասին օրենքով, բայց այսօր հայտնվել ենք այնպիսի իրավիճակում, որ միայն էկոհամակարգի վիճակից ելնելով` Սևանի խնդրի գնահատումը ճիշտ չէ։
Sputnik Արմենիայի հետ զրույցում նման տեսակետ հայտնեց Էվելինա Ղուկասյանը
«Մեր երկիրն արդեն այնպիսի բազմակողմանի պորբլեմների մեջ է խրված, որ մենք պետք է ավելի լայն նայենք Սևանի խնդրին, թեև պետք է խոստովանել, որ 245 մլն խ/մ ջրառ իրականացնելու դեպքում կունենանք լճի մակարդակի իջեցում մի քանի սանտիմետրով, ինչն ընդհանուր առմամբ անցանկալի երևույթ է։ Ավելի լավ է լիճը թողնել մշտապես ինչ–որ կայուն մակարդակի վրա, քան անընդհատ բարեձրացնել–իջեցնել, որովհետև տատանումների ժամանակ ափամերձ գոտին անընդհատ լվացվում է և այդտեղ գտնվող ամբողջ բուսածածկն աղտեղություններով, կենսածին տարրերով հանդերձ` ալիքի հետ միասին անցնում են լճի ափամերձ տարածքներ, ինչից էլ սկսվում է լճի ծաղկման գործընթացը»,– ասաց Հիդրոէկոլոգիայի և ձկնաբանության ինստիտուտի տնօրենը։
Ղուկասյանի փոխանցմամբ` վերջին տարիներին, սկսած 2018 թվականից, Սևանա լճի ծաղկման գործընթացները դարձել են ավելի հաճախակի և տեղի են ունենում ավելի մեծ խորությամբ։ Ավելին` մի շարք գործոններ սկսել են համատեղ ազդել, և եթե հաշվի առնենք նաև կլիմայի գոլբալ փոփոխությունները, ապա կարելի է ասել, որ Սևանա լիճն անփույթ վերաբերմունքի դեպքում կարող է դուրս գալ հավասարակշռությունից, իսկ ցանկացած խախտում կարող է ունենալ լուրջ հետևանքներ։
Հիդրոէկոլոգիայի և ձկնաբանության ինստիտուտի տնօրենի գնահատմամբ` Սևանի մակարդակի համար ցուցիչ պետք է ընդունվի ոչ թե հունիսը կամ հուլիսը, այլ դեկտեմբերը, քանի որ հենց այդ ամսին են կատարվում ջրի մակարդակի ինտեգրալ գնահատումներ։
Նրա պնդմամբ` ճիշտ կլինի, եթե որևէ երևույթի մասին խոսեն մասնագետները, այլ ոչ թե անգամ ղեկավար անձինք, որոնք ոլորտի մասնագետ չեն։ Ասում է` Սևանի օգնությանը պետք է դիմել ծայրահեղ անհրաժեշտության դեպքում։ Ղուկասյանը ցավով արձանագրեց, որ մեր ոռոգման համակարգը գտնվում է քայքայված վիճակում, ջրի կորուստները կազմում են 70 տոկոս, ինչին պատասխանատուները նայում են անտարբերությամբ, այնինչ անհրաժեշտ է լրջորեն պայքարել ջրի կորուստների դեմ, որպեսզի ամեն առիթի դեպքում չդիմենք Սևանա լճի օգնությանը։
Նշենք, որ ոռոգման նպատակով Սևանա լճից 2021թ․-ի բացթողման 170 մլն մ³ չափաքանակը նախատեսվում է դարձնել մինչև 245 մլն մ³։ Կառավարության նիստի ժամանակ այդ մասին հայտարարել տարածքային կառավարման և ենթակառուցվածքների նախարար Գնել Սանոսյանը` ներկայացնելով «Սևանա լճի էկոհամակարգի վերականգնման, պահպանման, վերարտադրման և օգտագործման միջոցառումների տարեկան ու համալիր ծրագրերը հաստատելու մասին» օրենքում լրացումներ կատարելու մասին նախագիծը։
Շրջակա միջավայրի նախարար Ռոմանոս Պետրոսյանի տեղեկացմամբ` այս պահի դրությամբ Սևանա լճի մակարդակը նախորդ տարվա համեմատ 4 սանտիմետրով ցածր է, իսկ թույլատրելի 170 մլն մ³ ջրառից արդեն իսկ կատարվել է 157 մլն մ³-ը։
Հիշեցնենք, որ մայիսի 10-ին ԱԺ նիստի ժամանակ ՀՀ վարչապետ Նիկոլ Փաշինյանը հայտարարել էր, որ առաջիկայում սպասվում է իրենց կառավարման սենսացիոն նորություններից մեկը` 2021 թվականի հունիս-հուլիս ամիսներին Սևանա լճի մակարդակը ամենաբարձրը կլինի վերջին 60 տարվա ընթացքում:
