https://arm.sputniknews.ru/20210810/katvacahar-vijakumen-mer-anvtangutyan-hamakargy-handznvele-ayl-erkrneri-poxosyan-28625811.html

Կաթվածահար վիճակում ենք, մեր անվտանգության համակարգը հանձնվել է այլ երկրներին. Պողոսյան

Կաթվածահար վիճակում ենք, մեր անվտանգության համակարգը հանձնվել է այլ երկրներին. Պողոսյան

Sputnik Արմենիա

Մարդկային զարգացման միջազգային կենտրոնի ղեկավար Թևան Պողոսյանը Sputnik Արմենիայի եթերում խոսել է Հայաստանի անվտանգության համակարգի, անվտանգային միջավայրին... 10.08.2021, Sputnik Արմենիա

2021-08-10T22:42+0400

2021-08-10T22:42+0400

2021-08-12T18:59+0400

տեսանյութեր

մուլտիմեդիա

պատերազմ

թևան պողոսյան

sputnik զրույց

https://cdn.am.sputniknews.ru/img/07e5/08/0a/28624979_6:-1:1280:720_1920x0_80_0_0_d811695a61b2008366f841b4b771af54.jpg

1991 թվականից հետո մենք չեն ձևավորել սցենարային պլանավորման, կանխատեսումների հզոր ինստիտուտներ, որպեսզի կարողանայինք մեր դիմադրողականության վերաբերյալ մշակել հայեցակարգեր և պատրաստ լինել տարատեսակ զարգացումներին։ Խոսելով Հայաստանի անվտանգության մասին`Sputnik Արմենիայի հետ զրույցի ընթացքում նման տեսակետ հայտնեց Մարդկային զարգացման միջազգային կենտրոնի ղեկավար Թևան Պողոսյանը։ 1994 թվականից ի վեր բոլոր իրադարձությունները` դարի նավթային համաձայնագիրը, Ադրբեջանի վարքագիծը, վկայում էին այն մասին, որ ունենալու ենք պատերազմ։ Պատերազմը դեռ չի ավարտվել, որովհետև ապրում ենք ռազմական գործողությունների պայմաններում: Ավելին` կաթվածահար վիճակում ենք, մեր անվտանգության համակարգը հանձնվել է այլ երկրներին։«Պետք է հասկանալ ի վերջո, յուրաքանչյուր արտաբերված բառ լոկ գեղեցիկ բա՞ռ է, թե՞ դրան հաջորդելու է կոնկրետ գործողություն։ Բոլորն այսօր մեզ գնահատում են մեր քայլերով, այլ ոչ թե պարզապես խոսքերով, հետևաբար անհրաժեշտ է նաև ընկալել, թե մեր ցանկացած գործողություն ինչպիսի արձագանք է գտնելու միջազգային հանրության շրջանում։ Անվտանգության համակարգի ընտրությունը պետք է լինի իրատեսական և իսկապես բխի մեր ազգային, կենսական շահերից, և դա պետք է գիտակցի յուրաքանչյուր կառավարող ուժ»,– ասաց Պողոսյանը։ Նրա դիտարկմամբ` զարգացած և հզոր երկրներն արտակարգ կերպով ծրագրավորում են իրենց քաղաքականությունը և դրա համար կարողանում են լավ ուսումնասիրել այն տիրույթները, որտեղ իրենց շահերը կարող են լինել խնդրահարույց։ Նրանք շատ լավ հաշվարկել են մեր վարքագիծը և շատ դեպքերում նույնիսկ գիտեն, թե ինչպիսի անհատական հմտություններով են օժտված մեր ղեկավարները, հետևաբար պետք է բանակցություններում ներկայացվեն այնպիսի մարդիկ, ովքեր կարող են ճիշտ հարաբերվել հզոր երկրների հետ և անգամ այնպես անել, որ սպասարկվեն նախ հայկական, ապա հետո միայն իրենց շահերը։Սահմանին տեղի ունեցող միջադեպերը սպառնալիք են ՀԱՊԿ անդամ Հայաստանի անվտանգությանը. ԶասԻսկ ինչ վերաբերում է առանձին ռազմաքաղաքական կազմակերպություններին, ապա Պողոսյանն ընդգծեց, որ անհրաժեշտ է կարևոր կառույցներին, որոնցում ունենք ներդրում, ոչ թե հարվածել, այլ տրանսֆորմացնել մոտեցումները։ Նա հիշեցրեց հանրահայտ ասույթը` մի վարվիր ուրիշների հետ այնպես, եթե չես ուզում, որ նրանք նույն կերպ վարվեն քեզ հետ։Պողոսյանի պնդմամբ` հաճախ չենք գիտակցում, թե ինչ ենք ունեցել, և այլևս այն չկա, բայց հոգ չէ, վերստին պետք է գտնենք մեր ազգային երազանքը, իսկ այդ ճանապարհին միասնականությունը խոսքով չէ, որ պետք է դրսևորվի, այլ գործով։

https://arm.sputniknews.ru/20210809/arajnahert-xndirn-ajym-nor-partvoxakan-pastatxteri-storagrum-tuyl-chtaln-e-vardanyan-28609850.html

2021

Լուրեր

am_HY

տեսանյութեր, մուլտիմեդիա , պատերազմ, թևան պողոսյան, sputnik զրույց