Սմիթսոնյան «Ֆոլքլայֆ» ամենամյա փառատոնի շրջանակում ԱՄՆ մեկնած քանոնահարուհիներ Քրիստինե Ենգոյանն ու Մերի Մուսինյանը ծանոթացել են Բոգդան պապի հետ ու որոշել են երեքով երգել։ Ավելի ճիշտ` երգել Բոգդան պապի համար, որ նա մի լավ ուրախանա։ Տեսանյութում երևում է, թե փոքրիկների ու Բոգդան պապի տրիոն ինչպես է զվարճացնում հայտնի երաժիշտ Արտո Թունջբոյաջյանին, և նա տաղանդավոր փոքրիկների երգին համահունչ մուրճով հարվածում է սեղանին։
Ծնունդով ձաղիձորցի Բոգդան Հովհաննիսյանն ապրում է Վանաձորում, պրոֆեսիոնալ քանդակագործ է, երեսուն տարի է՝ զբաղվում է խաչքարագործությամբ ու գեղանկարչությամբ։ Sputnik Արմենիան ավելի վաղ գրել է նրա մասին։
Մերին ու Քրիստինեն քանոնահարուհիներ են, նրանք իրենց ուսուցչի` Երևանի պետական կոնսերվատորիայի դասախոս Ծովինար Հովհաննիսյանի հետ մեկնել են ԱՄՆ` ամենամյա փառատոնին մասնակցելու։