09:34 23 մարտի 2019
Ուղիղ եթեր
  • USD485.86
  • GBP636.57
  • EUR549.22
  • RUB7.58
Տեսադարան

«Ազնավուրը կհպարտանար քեզանով». Ֆրանսիան խենթանում է հայուհու համար. տեսանյութ

Ստանալ կարճ հղումը
119010

Էրմոնիան հասել է «Ձայնը. երեխաներ» շոուի ֆրանսիական տարբերակի եզրափակիչ փուլ և երգել մի քանի ամիս առաջ կյանքից հեռացած Շառլ Ազնավուրի La bohème–ը։ Թվում էր` զգացմունքային առումով այս բարդ երգը 14–ամյա աղջիկը չէր կարողանա երգել, բայց, ինչպես կարծում է Էրմոնիայի մարզիչ Ամելին, երաժշտական ինտելեկտը Էրմոնիայի ներսից է բխում, և նա հրաշալի երգեց հանրահայտ ստեղծագործությունը։

«Դու մեծ արտիստ ես։ Շառլ Ազնավուրը, որի կարիքը մենք այդքան շատ ունենք, քեզանով կհպարտանար», – Էրմոնիայի ելույթից հետո շտապել է հայտարարել «Ձայնը. երեխաներ» շոուի հաղորդավարը` ակնարկելով աղջկա հայկական ծագումը։

Հանդիսատեսի արձագանքն էլ չի ուշացել. ելույթից հետո ծափահարությունները երկար ժամանակ չեն դադարել, իսկ ժյուրին հոտնկայս է ծափահարել և խոսուն ժեստերով հասկացրել, թե որքան լավ է երգել աղջիկը։

«Ինձ համար միշտ տարօրինակ է Էրմոնիայի ելույթներից հետո խոսել, որովհետև այդ ելույթներն ամեն անգամ նույն ազդեցությունն են գործում ինձ վրա», – խոստովանել է Էրմոնիայի մարզիչ Ամելին և ավելացրել, որ իր սանի մասին խոսելիս ամեն անգամ փորձում է ինչ–որ հարմար փոխաբերություն հորինել։

Եվ գտել է։ Եթե Էրմոնիային տանեն լյուքս դասի ահռելի խանութ, որտեղ կան բոլոր հնարավոր և անհնար իրերը, և նա այդ ամենը գնելու հնարավորություն ունենա, ապա նրա ելույթի համար անհրաժեշտ կլինի հասարակ սպիտակ շապիկ։ Նա կմտնի խանութ, ամեն ինչ կզննի, բայց խանութից դուրս կգա միայն այդ սպիտակ շապիկով։

«Էրմոնիան այդպիսին է, երբ երգ է ընտրում։ Նա չորսուկես օկտավա դիապազոն ունի, կարող է երգել 12 հազար նոտա, բայց դա երաժշտական ինտելեկտ է, մի խոսքով` նա Էրմոնիան է», – ասել է Ամելին։

Էրմոնիան չի հաղթահարել եզրափակիչ փուլը, հեռուստադիտողն ընտրել է մեկ այլ մասնակցի, բայց Ազնավուրը, անշուշտ, կհպարտանար իր համեստ ու տաղանդավոր հայրենակցով։

Ըստ թեմայի

Արփին հիասքանչ ելույթ է ունեցել ռուսական «Ձայնը» նախագծում. տեսանյութ
Հարությունովը «Ձայնը» շոուի ժյուրիին գերեց Scorpions-ի հիթով․ տեսանյութ
Սոնա Դունոյանին ստիպել են հայերեն երգել «Ձայնը» նախագծում. տեսանյութ
Հուզիչ կատարում. Նարեկն ու Լևանը «Ձայնը» նախագծում երգեցին «Սիրեցի, յարս տարան» երգը

Այլ տեսանյութեր

Գլխավոր թեմաներ