Ռոբերտ Բագրատյանը, Սերգեյ Ֆիլինն ու Իվան Սոխնևը երեկ` ապրիլի 12-ին, «մենամարտեցին» ռուսական «Ձայն. երեխաներ» նախագծում։
Տաղանդավոր փոքրիկները երգեցին Բրունո Մարսի «Uptown Funk» երգն ու հիացրին հանդիսատեսին և ժյուրիի անդամներ Վալերի Մելաձեին, Պելագեային ու Սվետլանա Լոբոդային։ Ռոբերտը հիասքանչ ելույթի վերջում գլխարկը նետեց Մելաձեի ոտքերի մոտ, իսկ հետո ծաղիկն ատամների արանքում մյուսների հետ վազեց Լոբոդայի մոտ։
Ռոբերտն է խնդրել, որ Show Must Go On երգի. տղան ու մայրը հետաքրքիր դրվագներ են պատմում
Երգչուհի Լոբոդան, որը երեխաների մարզիչն էր, պետք է ընտրեր նրանցից մեկին, և նա առանց վարանելու ընտրեց Ռոբերտին։
Դեռ «կույր լսումների» ժամանակ բոլորին հիացրած հայ փոքրիկն անցավ շոուի հաջորդ փուլ։
Երբ Լոբոդայի բոլոր թիմերի հաղթողները որոշվեցին, հաջորդ փուլ անցած փոքրիկները նաև առանձին ելույթ ունեցան։ Ռոբերտ Բագրատյանը երգեց Queen խմբի Show Must Go On ստեղծագործությունը, որով նա փայլել էր դեռ «կույր լսումների» ժամանակ:
