Ղարաբաղցյանը նշում է, որ ջահերով երթը միայն Հայաստանում չի անցկացվում։
Աշխարհագրությունը շատ լայն է՝ Մելբուրնից մինչև Արցախ, Արցախից մինչև Մոսկվա, Մոսկվայից մինչև Ճամբարակ։
«Այսինքն` այս հիշողության զիգզագը, հիշողության գետը ամեն տարի ապրիլին վարարում է։ Սա հայ ժողովրդի հիշողության երթն է»,-ասում է Ղարաբաղցյանը։
Նրա խոսքով, եթե ջահերով երթը նախկինում ուրիշ խնդիրներ էր դնում, ապա այսօր հիշողության երթը դարձել է պահանջատիրական և երթն այսօր անցկացվում է հատուցման կարգախոսով։
Ղարաբաղցյանը նշում է, որ երթի մասնակիցների 90 տոկոսը երիտասարդներն են, և ջահերով երթը կուսակցական երթ չէ։
«Մարդիկ այսօր նոր տոներ են հորինում։ Քաղաքացու օր, չգիտեմ ինչ։ Ջահերով երթը նախ հիշողության օր է և, իմ կարծիքով, հպարտ քաղաքացու օրն է, առանց հիշողության հպարտ քաղաքացի հնարավոր չէ ունենալ»,-ասել է Ղարաբաղցյանը։
Ղարաբաղցյանի գնահատմամբ ապրիլը մեր հիշողությունների ամիսն է, մինչդեռ ցանկանում են այլ միջոցառումների վերագրել։