«Ժողովուրդ» օրաթերթի կայքում հրապարակվել են վերջին օրերին աղմուկ հանած հանցագործության կադրերը։ Տեսանյութում երևում է, թե ինչպես են ինչ–որ անձինք հարձակվում Համբարձում Առաքելյանի ավտոմեքենայի վրա ու ինչպես են հրազենային վնասվածք հասցնում Առաքելյանին։
Արդեն հայտնել էինք, օգոստոսի 25-ին Շենգավիթ վարչական շրջանում գործող ռեստորանային համալիրի մոտ հնչել էին կրակոցներ, որոնց հետևանքով մահացել էր թաղային հեղինակություն Համբարձում Առաքելյանը։ Մեղադրանք էր առաջադրվել «Դոն Կիխոտ» ռեստորանի գլխավոր տնօրեն Գևորգ Հովհաննիսյանին ու ևս մեկ անձի։
Ռեստորանային համալիրի տնօրենին մեղադրանք է առաջադրվել՝ ՀՀ քրեական օրենսգրքի 258-րդ հոդվածի 4-րդ մասով, այն է` խուլիգանությունը, 235-րդ հոդվածի 1-ին մասով` ապօրինի կերպով զենք ձեռք բերելը, իրացնելը, պահելը, փոխադրելը կամ կրելը և 332-րդ հոդվածի 2-րդ մասով` արդարադատության իրականացմանը և քննությանը խոչընդոտելը։
Երևանի բնակիչ՝ ծնված 1976թ., ներգրավվել է որպես մեղադրյալ ՀՀ քրեական օրենսգրքի 258-րդ հոդվածի 4-րդ մասով` խուլիգանության և 235-րդ հոդվածի 1-ին մասով` ապօրինի կերպով զենք ձեռք բերելը, իրացնելը, պահելը, փոխադրելը կամ կրելը: Նրա նկատմամբ որպես խափանման միջոց կալանավորումն ընտրելու վերաբերյալ միջնորդություն է ներկայացվել դատարան և հայտարարվել հետախուզում:
20 տարի անց. կրկնահանցագործ Արման Ջանինյանին վերադարձրել են «գողականի թագը»
Դեպքից հետո հրազենային վիրավորումով հիվանդանոց էր տեղափոխվել նաև «Մաքս» սուպերմարկետի սեփականատեր Սահակ Վարդանյանը, իսկ դեպքից օրեր անց նաև նրա որդին՝ Յուրի Վարդանյանը։
