09:30 19 հունվարի 2021
Ուղիղ եթեր
  • USD522.19
  • GBP706.58
  • EUR629.92
  • RUB7.03
Տեսադարան

Շունն արդեն քսան օր է՝ երևանյան հիվանդանոցներից մեկի մոտ սպասում է տիրոջը. տեսանյութ

Ստանալ կարճ հղումը
32510
© Ruptly

Շունը արցախյան պատերազմի ժամանակ մի քանի անգամ փրկել է տիրոջ ու նրա ընկերների կյանքը։

Հավատարիմ շունն արդեն քսան օր է՝ երևանյան հիվանդանոցներից մեկի մոտ սպասում է տիրոջը, որը վիրավորվել է Արցախում կամավորական աշխատանքի ժամանակ։

Ռոմիկ Աղեկյանի ու շան ընկերությունը, ճիշտ է, երկար պատմություն չունի, բայց շատ ամուր է։ Նա շանը գտել է Ղարաբաղի լքված շինություններից մեկում։ Կենդանին կապած էր, դրա համար էլ չէր կարողացել փախչել։ Ռոմիկն ընկերոջ հետ ազատել է շանն ու տարել իր հետ ճամբար։ Այնտեղ նրան կերակրել են, բուժել։ Այդ օրվանից շունը նրանց հետ է։

«Տեսա ուժասպառ եղած, շղթայով կապված շանը։ Խնդրեցի ընկերոջս՝ ազատենք, տանենք մեզ մոտ։ Այդպես էլ արեցինք, հետո հաց, ջուր տվեցինք, նրա հետ կիսեցինք մեր ունեցած ուտելիքը։ Տասն օրում ոտքի կանգնեց։ Այդ օրվանից մեզ հետ է. որտեղ մենք, այնտեղ էլ նա է»։

Տղամարդը հիշում է, երբ իրեն վիրավոր վիճակով շտապօգնությունը տարավ, շունը վազում էր մեքենայի հետևից։

Նա չէր հավատում, որ Ջաբրայիլի մարտից հետո կյանք կա. վիրավոր Սեյրանը նոր հրաշքի է սպասում

«Վազեց շտապօգնության մեքենայի հետևից, բայց չհասավ։ Հետո, երբ «ԿամԱզով» ընկերներիս տուն էին տանում, նա էլ նրանց հետ գնաց Բագրատաշեն, որտեղ ես եմ ապրում, այնտեղից էլ մի քանի օրից բերեցին հիվանդանոցի մոտ ու այսպես դռների մոտ սպասում է։ Մի քանի անգամ մեր կյանքն է փրկել։ Շունը զգում է, չէ՞, որ հրթիռները դեպի մեզ են գալիս. անհանգիստ հաչում էր, կանչում մեզ։ Այդպես մեզ մի քանի անգամ փրկել է»։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։ 

 

Ինչո՞ւ են ադրբեջանցիներն ուրախացել․ ռուսական խաղաղապահների հրամանատարի կենսագրությունը

Ըստ թեմայի

Ողջ մնալու արվեստը. առաջնագծի համար պատրաստվող կանայք ու տղամարդիկ` լուսանկարներում
Աղջիկների ուղարկած «Սնիկերսների» պատասխանը. զինվորներն ինքնատիպ նվեր են արել առաջնագծից
Զինվորների մկրտության արարողություն` առաջնագծի մոտակայքում. հուզիչ լուսանկարներ
թեգերը:
տեսանյութ, Պատերազմ, Շուն

Այլ տեսանյութեր

Գլխավոր թեմաներ