12:27 21 հունվարի 2017
Ուղիղ եթեր
Теннис. Кубок Федерации - 2015. Матч Польша - Россия. Первый день

Շարապովան միակ ռուսաստանցին է Forbes-ի թոփ 100–ում

© Sputnik/ Антон Денисов
Աշխարհ
Ստանալ կարճ հղումը
5 0 0

Ռուս թենիսիստուհի Մարիա Շարապովան գրավել է 88-րդ տողը ամենաբարձր վարձատրվող հայտնիների թոփ 100–ում Forbes ամսագրի վարկածով, նա ամսագրի 2015 թվականի վարկանիշում միակն է ՌԴ–ի ներկայացուցիչներից, հայտնում է «ՌԻԱ Նովոստին»։

ԵՐԵՎԱՆ, 30 հունիսի – Sputnik. Ռուս թենիսիստուհի Մարիա Շարապովան գրավել է 88-րդ տողը ամենաբարձր վարձատրվող հայտնիների թոփ 100–ում Forbes ամսագրի վարկածով, նա ամսագրի 2015 թվականի վարկանիշում միակն է ՌԴ–ի ներկայացուցիչներից, հայտնում է «ՌԻԱ Նովոստին»։

Մարիա Շարապովայի եկամուտը տարվա ընթացքում կազմել է 29.5 մլն դոլար։ Անցյալ տարի սպորտսմենուհին զբաղեցնում էր 63-րդ տեղը։

Վարկանիշը կազմվել է 2014 թվականի հունիսի 1-ից մինչև այս տարվա հունիսի 1-ը ժամանակահատվածի համար։ Առաջին տեղում է ամերիկացի բռնցքամարտիկ Ֆլոյդ Մեյուեզերը, որը տարվա ընթացքում աշխատել է 300 մլն. դոլար։ Երկրորդ տեղը նույնպես բռնցքամարտիկ է զբաղեցրել` Մեյուեզերի հակառակորդ Մենի Պակյաոն, որը ստացել է 160 մլն. դոլար նույն ժամանակահատվածի համար։ Երրորդ տեղում է երգչուհի Քեթի Փերին` տարեկան 135 մլն. դոլար եկամուտով։

Ամենահարուստների 10-ում են նաև երգչուհի Թեյլոր Սվիֆթը, ռադիոհաղորդավար Հովարդ Սթերնը, գրող Ջեյմս Պատերսոնը, դերասան Ռոբերտ Դաունի կրտսերը և ֆուտբոլիստ Քրիշթիանու Ռոնալդուն։ Ցուցակում 32 մարդ է, որոնք ԱՄՆ–ի քաղաքացիներ չեն։ 

Ամերիկյան Forbes–ը թողարկում է աստղերի վարկանիշը 1999 սկսած թվականից։ Վարկանիշը կազմելու ժամանակ օգտագործվում է եկամուտների գնահատում, որը հիմնված է  Nielsen կազմակերպության, Pollstar ավիատոմսերի վաճառքով զբաղվող կազմակերպության և Box Office Mojo և IMDB կայքերի տվյալների վրա։

Գլխավոր թեմաներ