00:08 21 հունվարի 2017
Ուղիղ եթեր
Развалины древнего города Пальмира

ԻՊ գրոհայինները Պալմիրայում ոչնչացրել են վեց եզակի հնագույն արձաններ

© Sputnik/ Дмитрий Виноградов
Աշխարհ
Ստանալ կարճ հղումը
13 0 0

Պալմիրա քաղաքի ավերակները Սիրիայում ՅՈՒՆԵՍԿՕ–ի համաշխարհային ժառանգության վեց օբյեկտներից մեկն են։ Սակայն ԻՊ գրոհայինները մուրճերով ջարդել են եզակի քանդակները, որոնց շարքում եղել է նույնիսկ 2000 տարեկան «Ալլաթ առյուծ» արձանը

ԵՐԵՎԱՆ, հուլիսի 3-Sputnik. «Իսլամական պետություն» խմբավորման գրոհայինները ոչնչացրել են առնվազն վեց հնագույն արձաններ իրենց զավթած Պալմիրա սիրիական քաղաքում, հաղորդում է ՌԻԱ Նովոստին` հղում անելով BBC բրիտանական հեռուստառադիոընկերությանը։

Գրոհայինները սոցիալական ցանցերում հրապարակել են լուսանկարներ, թե ինչպես են մուրճերով ոչնչացնում քանդակները։ Ծայրահեղականները հայտարարել են, որ արձաններն առգրավվել են, երբ դրանք փորձել են դուրս տանել քաղաքից։

Բրիտանական BBC հեռուստառադիոընկերությունը, մեջբերելով Սիրիայի հնությունների և թանգարանների բաժնի տնօրեն Մաամուն Աբդելքարիմին, հաղորդում է, որ գրոհայինները ոչնչացրել են նաև երկու հազար տարի առաջ ստեղծված առյուծի արձանը, որը հայտնի է որպես «Ալլաթ առյուծ» (երկնքի և անձրևի հին արաբական աստվածուհի)։ Աբդելքարիմն անվանել է այդ արձանի ոչնչացումը «Պալմիրայի ժառանգության դեմ ԻՊ կատարած ամենալուրջ հանցագործությունը»։

Պալմիրան, որի հնագույն ավերակները Սիրիայում ՅՈՒՆԵԿՕ–ի համաշխարհային ժառանգության վեց օբյեկտներից են, անցել է գրոհայինների հսկողության տակ մայիսի կեսին։ Քաղաքը թողնելուց առաջ սիրիական բանակը տարհանել է նրա բնակիչների մեծ մասին` շուրջ 11 հազար զինվորականների և քաղաքական հանցագործների ու Պալմիրայի կենտրոնական թանգարանի առավել արժեքավոր պատմական մասունքները։ Քաղաքը գրավելուց հետո ոչնչացման սպառնալիքի տակ են հայտնվել հնագույն ավերակները և տաճարները։

«Իսլամական պետություն» ահաբեկչական կրոնական խմբավորումը, որը կապ ունի «Ալ Քայիդայի» հետ, սկզբում ստեղծվել և գործել է հիմնականում Սիրիայի տարածքում, որտեղ պատերազմել է կառավարական ուժերի դեմ և որտեղ ամենադաժան խմբավորումներից մեկի «համբավն» է ձեռք բերել: Մի քանի ամիս առաջ խմբավորումը կտրուկ ակտիվացրել է իր գործողություններն Իրաքում: Օգտվելով Բաղդադի իրականացրած քաղաքականությունից առաջացած իրաքցի սունիթների դժգոհությունից՝ «Իսլամական պետությունը» զանգվածային գրոհ է սկսել Իրաքի հյուսիսային և հյուսիս-արևմտյան գավառների վրա և մեծ տարածքներ է գրավել:

Գլխավոր թեմաներ