18:59 26 մայիսի 2017
Ուղիղ եթեր
Города мира. Ереван

Թրքացած հայերը վերադառնում են քրիստոնեության

© Sputnik/ Владимир Федоренко
Աշխարհ
Ստանալ կարճ հղումը
15 0 0

Օսմանյան կայսրությունում հայերի և ասորիների ցեղասպանության ժամանակ իսլամացվածների հետնորդները վերագտնում են քրիստոնեական հավատքը

ԵՐԵՎԱՆ, 3 հուլիսի – Sputnik. Տասներկու հայեր, որոնց ընտանիքները պարտադրաբար իսլամացվել էին 1915-1923 թվականների Հայոց ցեղասպանության տարիներին, նախորդ ամիս կրկին քրիստոնյա են դարձել` մկրտություն առնելով Ստամբուլում, հաղորդում է worthynews.com-ը։ 

Barnabas Aid–ի տեղեկացմամբ, բազմաթիվ մարդիկ, որոնց բռնի կերպով իսլամացրել են թուրք զինվորները, այժմ վերադառնում են իրենց պապերի հավատքին` քրիստոնեական արմատները վերագտնելուց հետո։ 

Սեփական կյանքը փրկելու համար իսլամացված բազմաթիվ հայերի, ասորիների և օսմանյան հույների իսլամական նոր անուններ էին տրվում։ Բայց չնայած դրան` կանանցից շատերը, ովքեր ստիպված ամուսնանում էին թուրք տղամարդկանց հետ, կամ մահմեդական ընտանիքների որդեգրած երեխաները, հիմնականում, պահպանում էին նախկին հավատքը և գաղտնի կերպով փոխանցում էին քրիստոնեական ավանդույթները հաջորդ սերնդին։

Թեև քրիստոնեության վերադառնալը Թուրքիայում շարունակվում է երկար տարիներ, իսլամից հրաժարվելը ռիսկային է, ինչպես ցանկացած հավատուրացում, օրինակ, հասուն տղամարդկանց հավատափոխությունն ըստ շարիաթի դատապարտվում է մահապատժով։

Գլխավոր թեմաներ