09:44 20 հունվարի 2017
Ուղիղ եթեր
Греция

Հունաստանի հանրաքվեի նախնական տվյալներ. «ոչ» է ասել 61%-ից ավելին

Աշխարհ
Ստանալ կարճ հղումը
18 0 0

Կիրակի ժամը 19։00–ին Հունաստանում ավարտվել է հանրաքվեն այն հարցի մասին, թե պե՞տք է, արդյոք, ընդունել համաձայնագրի նախագիծը, որը ներկայացրել են Եվրոպական հանձնաժողովը, ԵԿԲ–ն և ԱՄՀ–ն։ Ընտրողների մասնակցությունը կազմել է ավելի քան 50 տոկոս։

ԵՐԵՎԱՆ, հուլիսի 6–Sputnik. Հունաստանի հանրաքվեին ընտրողների 61,24 տոկոսը «ոչ» է ասել վարկատուների պահանջներին, 38,76 տոկոսը` «այո», վկայում են ընտրատարածքների ընտրաթերթիկների 51,88 տոկոսի մշակման արդյունքները, հաղորդում է «ՌԻԱ Նովոստին»։

Նախնական տվյալներով` քվեարկությանը մասնակցել  է ընտրողների 60,01 տոկոսը։ Անվավեր քվեաթերթիկների և ձեռնպահ մնացածների թիվը կազմել է 5,72 տոկոս։

Հանրաքվեի արդյունքները հաշվարկելիս հաշվի են առնվում միայն վավերական քվեաթերթիկները։

Կառավարությունը հույս ուներ, որ բնակչությունը կպատասխանի «ոչ»։ Ընդդիմությունը հայտարարել է, որ գնում Հունաստանի եվրոպական ապագայի մասին է և կոչ է արել քվեարկել համաձայնագրի օգտին։ Հունական հանրաքվեին սևեռված է ողջ աշխարհի ուշադրությունը, քանի որ դրա վերջնական արդյունքները կարող են կանխորոշել Եվրոպայի քաղաքական և տնտեսական զարգացումը, անդրադառնալ ողջ համաշխարհային տնտեսության վրա։

Գլխավոր թեմաներ