14:19 23 հունիսի 2017
Ուղիղ եթեր
Французский военный корабль-вертолетоносец класса Мистраль в Санкт-Петербурге

ԶԼՄ. Փարիզը Ռուսաստանին 1,2 մլրդ դոլար կվճարի «Միստրալների» համար

© Sputnik/ Алексей Даничев
Աշխարհ
Ստանալ կարճ հղումը
6 0 0

Փարիզը վերջնական որոշում է ընդունել Մոսկվային «Միստրալներ» չառաքելու մասին, հաղորդել է Ֆրանսիայի պաշտպանության նախարար Ժան Իվ Լե Դրիանը։ Նա նշել է, որ ուրախ կլինի, եթե ԱՄՆ-ն համաձայնի գնել այդ ռազմանավերը։

ԵՐԵՎԱՆ, հուլիսի 7–Sputnik. Ֆրանսիայի կառավարությունը վերջնական որոշում է ընդունել Ռուսաստանին «Միստրալ» ուղղաթիռակիրներ չառաքելու մասին` չնայած պայմանագրի խզման դեպքում մեծ տույժերին։ Այդ մասին հայտարարել է Ֆրանսիայի պաշտպանության նախարար Ժան Իվ Լե Դրիանը Վաշինգտոնում կայացած մամուլի   ասուլիսում, հայտնում է Sputnik գործակալությունը։

Ֆրանսիայի պաշտպանության նախարարն ընդգծել է, որ Ռուսաստանի հետ պայմանագրի չկատարումը Ֆրանսիայի համար կարժենա 1,2 մլրդ դոլար, սակայն նրա խոսքով` այլ ելք չկա։

Գործակալության տեղեկատվության համաձայն` Ֆրանսիայի պաշտպանության նախարարը հիշեցրել է, որ «Միստրալների» մասին պայմանագիրը կապված է եղել ուկրաինական հակամարտության հարցում Ռուսաստանի դիրքորոշման հետ։ Քանի որ Ռուսաստանի հետ իրավիճակը չի փոխվել, պայմանագիրը չի կարող կատարվել, մեջբերում է Sputnik-ը Լե Դրիանի խոսքերը։

Լե Դրիանը նաև նշել է, որ Ֆրանսիայի համար բարդ կլինի այլ գնորդ գտնել «Միստրալների» համար, քանի որ ռազմանավերը նախագծվել են ռուսական պահանջներով։ Միաժամանակ նա հավելել է, որ ուրախ կլինի, եթե ԱՄՆ–ն համաձայնի գնել այդ ռազմանավերը, նշում է Sputnik-ն։

Ֆրանսիական DCNS/STX–ի և Ռուսաստանի միջև երկու «Միստրալ» ուղղաթիռակիների առաքման մասին պայմանագիրը կնքվել է 2011թ.–ին։ Ֆրանսիան պետք է առաջին «Վլադիվոստոկ» նավը հանձներ անցած տարվա նոյեմբերին, սակայն դա այդպես էլ տեղի չի ունեցել։ Ռուսաստանը Ֆրանսիայից սպասում է կամ նավերի առաքում կամ փողերի վերադարձ։

Գլխավոր թեմաներ