15:54 20 հունվարի 2017
Ուղիղ եթեր
Депутат Госдумы РФ, певец Иосиф Кобзон посетил Донецк

Կոբզոնը հուսով է, որ Պուտինը կօգնի, եթե նա ստիպված լինի բուժվել արտերկրում

© Sputnik/ Сергей Аверин
Աշխարհ
Ստանալ կարճ հղումը
3 0 0

Երգիչ Իոսիֆ Կոբզոնը ներառված է ԵՄ–ի պատժամիջոցների ցանկում, իսկ դա նշանակում է, որ նրան արգելված է մուտք գործել ԵՄ երկրներ։ Երգիչը նաև ափսոսանք է հայտնել, որ չի կարող այցելել Իսպանիա` թոռներին հանդիպելու համար։

ԵՐԵՎԱՆ, 8 հուլիսի— Sputnik. Երգիչ Իոսիֆ Կոբզոնը, որի նկատմամբ կիրառված են Եվրամիության պատժամիջոցները Ուկրաինայի հարցով դիրքորոշման պատճառով, արտերկրում բուժում ստանալու անհրաժեշտության դեպքում պատրաստվում է դիմել ՌԴ նախագահին, հաղորդում է «ՌԻԱ Նովոստին»։

Ավելի վաղ հաղորդվում էր, որ Կոբզոնը ներառվել է ԵՄ–ի պատժամիջոցների ցանկում։ Ցանկում ներառված անձանց արգելված է մուտք գործել ԵՄ երկրներ, նրանց ակտիվները ԵՄ–ում սառեցված են։

«Եթե այդ եվրոպական պատժամիջոցները վերաբերեին միայն Կոբզոնին, ապա ես կդիմեի Եվրոպական դատարան, ինչպես դա արեց Վալերիան, երբ նրան արգելեցին մուտք գործել Յուրմալա։ Սակայն պատժամիջոցները կիրառվել են մեր տասնյակ քաղաքացիների նկատմամբ, կարծում եմ, որ հարկավոր է համերաշխություն դրսևորել։ Բոլորս գիտենք, թե ինչ են իրենցից ներկայացնում պատժամիջոցները, դրանց դեմ պայքարելն անօգուտ է։ Եթե առողջական վիճակի պատճառով ինձ խորհուրդ տան վիրահատվել պատժամիջոցներ կիրառած երկրներից մեկում, ապա ես կարծում եմ, որ կդիմեմ նախագահին, և նա ինձ կօգնի», – ասել է Կոբզոնը երեքշաբթի «Մոսկովսկի կոմսոմոլեց»–ի ընթերցողների հետ կազմակերպված առցանց հանդիպման ընթացքում

Կոբզոնն ափսոսանք է հայտնել, որ չի կարող թոռներին այցելել Իսպանիայում։

«Ես աղջկաս և տղայիս ասել եմ, որ օգոստոսը թոռներիս հետ ենք կանցկացնենք Բակովկայում»,– պատմել է երգիչը և հավելել, որ ոչ մի սարսափելի բան չի կատարվում։

«Սոչին բաց է, Բայկալը, Կիսլովոդսկը և Մինվոդին բաց են։ Գելեջիկում գլխավորելու եմ ժյուրի։ Թուրքիա, խնդրեմ, մեկնեք… Եվրոպան կհանգստանա առանց մեզ, իսկ մենք` առանց նրա։ Ես ոչ մի ողբերգություն չեմ զգում»,– եզրափակել է Կոբզոնը։

Արևմտյան երկրները 2014թ.–ի մարտից մի քանի պատժամիջոցներ են կիրառել Ուկրաինայի հարցում Ռուսաստանի դիրքորոշման համար։ 2015թ.–ի մարտին ընդլայնվել է ԱՄՆ պատժամիջոցների ցուցակը, իսկ հունիսին` Կանադայի ցուցակը։ Բացի այդ, հունիսի 22–ին Լյուքսեմբուրգում տեղի ունեցած նիստում Եվրամիության երկրների ԱԳՆ ղեկավարները երկարացրել են տնտեսական պատժամիջոցների գործողությունը մինչև 2016թ.–ի հունվարի 31–ը։

Գլխավոր թեմաներ