15:50 20 հունվարի 2017
Ուղիղ եթեր
Eжегодный международный конкурс молодых исполнителей «Нoвая волнa»

«Նոր ալիք» մրցույթը տեղափոխվել է հոկտեմբեր

© Wikipedia/
Աշխարհ
Ստանալ կարճ հղումը
6 0 0

Կազմակերպիչները տրամաբանական են համարել համատեղել երիտասարդ կատարողների երաժշտական մրցույթի անցկացման ամսաթիվը «Ֆորմուլա 1»–ի և Միջազգային տնտեսական ներդրումային համաժողովի հետ

ԵՐԵՎԱՆ, 8 հուլիսի — Sputnik. «Նոր ալիք» երիտասարդ կատարողների միջազգային երաժշտական մրցույթը, որն այս տարի անցկացվելու է Սոչիում, օգոստոսից տեղափոխվել է հոկտեմբեր, որ համատեղվեն դրա անցկացման ժամկետները «Ֆորմուլա 1»–ի և Միջազգային տնտեսական ներդրումային համաժողովի հետ, որոնք նույնպես կանցկացվեն Սոչիում նույն ժամանակահատվածում, հաղորդում է ՌԻԱ Նովոստին։

«Նոր ալիք» երաժշտական մրցույթը տեղափոխվել է Սոչի լատվիական Յուրմալայից, որտեղ այն անցկացվել է դրա հիմնադրման պահից։ Ավելի վաղ ծրագրվել էր, որ մրցույթը կանցկացվի Օլիմպիական այգում օգոստոսի 25–ից 30–ը։ Ավելի ուշ ռուսական հանգստավայրի քաղաքապետարանը հայտնել է, որ փառատոնը կկայանա հոկտեմբերի 2–ից 11–ը։

«Մենք տրամաբանական ենք համարել համատեղել դրա անցկացումը «Ֆորմուլա 1»–ի և Միջազգային տնտեսական ներդրումային համաժողովի հետ, երբ Սոչի կժամանեն մեր հեռուստադիտողները»,– պատմել են կազմկոմիտեից։

«Ֆորմուլա 1»–ի ռուսական փուլը կանցկացվի հոկտեմբերի 8-11–ը «Սոչի ավտոդրումում»։ Արդեն վաճառվել է ավելի քան 20 հազար տոմս։ «Սոչի 2015» միջազգային ներդրումային համաժողովը կկայանա հոկտեմբերի 1-4–ը։

«Նոր ալիքի» եզրափակչին կմասնակցեն 16 մենակատարներ 12 երկրներից։ Ռուսաստանը մրցույթում կներկայացնեն երեք կատարողներ։ Գլխավոր մրցանակի համար կպայքարեն Օլեգ Սիդորովը, Կամիլա Իզմայլովան, Տատյանա Շամանովան։

Լատվիայից Ռուսաստան միջազգային երաժշտական փառատոնի տեղափոխմանը կազմակերպիչներին դրդել է այն, որ լատվիական իշխանությունները 2014 թվականի հուլիսին քաղաքական նկատառումներով արգելել են իրենց երկիր մուտքը մի քանի ռուս կատարողների` Իոսիֆ Կոբզոնին, Վալերիային և Օլեգ Գազմանովին։ Փառատոնի անցկացման հիմնական հավակնորդ քաղաքները, բացի Սոչիից, Կալինինգրադն ու Յալթան էին։ Կազմակերպիչները երկար ժամանակ չէին կարողանում ընտրություն անել, բայց արդյունքում կանգ առան օլիմպիական մայրաքաղաքի վրա։

Գլխավոր թեմաներ