18:58 26 մայիսի 2017
Ուղիղ եթեր
Заседание Совета глав государств-членов ШОС в расширенном составе

ՇՀԿ–ի գագաթնաժողովին ընդունվել են Ուֆայի հռչակագիրն ու մի շարք այլ փաստաթղթեր

Фотохост-агентство
Աշխարհ
Ստանալ կարճ հղումը
9 0 0

Գագաթնաժողովին մասնակցող ՇՀԿ անդամ երկրների առաջնորդները Պետությունների ղեկավարների խորհրդի նիստի արդյունքում ընդունեցին հայտարարությունը` կապված Համաշխարհային պատերազմի ժամանակ Ֆաշիզմի նկատմամբ տարած հաղթանակի 70–ամյակի կապակցությամբ, ինչպես նաև թմրանյութերի սպառնալիքի խնդիրների մասին հայտարարությունը։

ԵՐԵՎԱՆ, 10 հուլիսի– Sputnik. Նախօրեին մեկնարկած Շանհայի համագործակցության կազմակերպության (ՇՀԿ) գագաթնաժողովի ժամանակ ուրբաթ Ուֆայում ընդունվել է Ուֆայի հռչակագիրն ու մի շարք այլ փաստաթղթեր, հաղորդում է ՌԻԱ Նովոստին։

ՇՀԿ անդամ պետությունների ղեկավարները նաև հաստատել են ՇՀԿ զարգացման մինչև 2025 թ.–ի ռազմավարությունն ու ՇՀԿ անդամ պետությունների համագործակցության` ահաբեկչության, անջատողականության և ծայրահեղականության դեմ պայքարի 2016–2018 թթ.–ի ծրագիրը։

Գագաթնաժողովին մասնակցած ՇՀԿ անդամ երկրների առաջնորդները Պետությունների ղեկավարների խորհրդի նիստի արդյունքում հայտարարություն են ընդունել նաև` կապված Համաշխարհային պատերազմի ժամանակ Ֆաշիզմի նկատմամբ տարած հաղթանակի 70–ամյակի կապակցությամբ, ինչպես նաև թմրանյութերի սպառնալիքի խնդիրների մասին հայտարարությունը։

Բացի այդ, հաստատվել է նախորդ տարվա ընթացքում ՇՀԿ գործունեության մասին կազմակերպության գլխավոր քարտուղարի զեկույցն ու ՇՀԿ–ի տարածաշրջանային հակաահաբեկչական կառույցի խորհրդի զեկույցը, որը վերաբերում է նախորդ տարվա ընթացքում կազմակերպության գործունեությանը։ Կազմակերպության մասնակից երկրների առաջնորդները որոշում են ընդունել նաև կազմակերպության գլխավոր քարտուղարի և ՇՀԿ–ի տարածաշրջանային հակաահաբեկչական կառույցի գործադիր կոմիտեի տնօրենի մասին։

Նշված փաստաթղթերից բացի, կազմակերպության առաջնորդները որոշել են մշակել ՇՀԿ–ի` ծայրահեղականության դեմ պայքարի կոնվենցիայի նախագիծը և  կազմակերպության անդամ պետությունների` սահմանային հարցերի շուրջ փոխգործակցության համաձայնագիրը։

Գագաթնաժողովին Հայաստանի պատվիրակությունը գլխավորում է ՀՀ նախագահ Սերժ Սարգսյանը։ Ուրբաթ Հայաստանը և ևս երեք երկրներ միացել են ՇՀԿ–ին` որպես կազմակերպության գործընկերներ։

ՇՀԿ–ում ներառված է վեց պետություն` Ռուսաստանը, Ղազախստանը, Չինաստանը, Ղրղըզստանը, Տաջիկստանը և Ուզբեկստանը, նրանց բնակչության ընդհանուր թիվը կազմում է Երկրագնդի բնակչության մեկ քառորդը։

Գլխավոր թեմաներ