14:30 27 հունիսի 2017
Ուղիղ եթեր
река в индийском городе Раджамандри

Հնդկաստանում վեց մարդ է զոհվել կրոնական տոնի հրմշտոցի ժամանակ

Աշխարհ
Ստանալ կարճ հղումը
5 0 0

Հրմշտոցն առաջացել է այն ժամանակ, երբ հազարավոր մարդիկ իջել են դեպի գետը` մաքրման ծես կատարելու համար։ Գետի ջրերն այս շաբաթվա ընթացքում սրբազան են համարվելու

ԵՐԵՎԱՆ, 14 հուլիսի — Sputnik. Շուրջ վեց մարդ է զոհվել, ևս 100–ը վիրավորվել է Հնդկաստանի հարավ–արևելյան Անդխրա Պրադեշ նահանգի Ռաջամանդրի քաղաքում կրոնական տոնի ժամանակ առաջացած հրմշտոցում, հայտնում է ՌԻԱ Նովոստին` հղում անելով Indian Express պարբերականին։

Հարյուր հազարավոր մարդիկ ուղղվել են դեպի գհաթները` դեպի գետը տանող աստիճանավոր ուղին, որ գետում լվացում կատարեին, իսկ գետի ջրերն այդ շաբաթ սրբազան են համարվելու Պուշկարալու տոնի կապակցությամբ։ Գհաթներից մեկի վրա կուտակվել էին գետում լվացվել ցանկացող հազարավոր հավատացյալներ, ինչի հետևանքով հրմշտոց է առաջացել։

«Մի քանի կին կորցրել է հավասարակշռությունը և ընկել են` հրմշտոց առաջացնելով»,– պարբերականին է հայտնել տեղի փրկարար գերատեսչության ներկայացուցիչը։

Նահանգի գլխավոր նախարար Ջանդրաբաբու Նայդուն, ով առավոտյան նույնպես լվացում է կատարել դրանից ոչ հեռու, հրահանգել է այդ շրջան ուղղել իրավակարգի մեծ թվով աշխատողներ։

Ակնկալվում է, որ հաջորդ 12 օրերի ընթացքում Գոդավարի գետում լվացումներ կկատարի ավելի քան 10 միլիոն մարդ։

Գլխավոր թեմաներ