17:56 18 նոյեմբերի 2017
Ուղիղ եթեր
Футбольные болельщики перед матчем Греция - Россия в Варшаве

Փորձագետ. Եվրամիության կազմում Հունաստանի մնալը բխում է և Եվրամիության, և Հունաստանի շահերից

© Sputnik/ Владимир Песня
Աշխարհ
Ստանալ կարճ հղումը
14 0 0

Տասնամյակներով կուտակված տնտեսական խնդիրները, կոռուպցիայի բարձր մակարդակը, ռեսուրսների կենտրոնացումը, վերևներում, պետության բազմաթիվ պարտականությունները հանգեցրել են Հունաստանի ճգնաժամի

ԵՐԵՎԱՆ, 14 հուլիսի – Sputnik. Տասնամյակներով կուտակված տնտեսական խնդիրներ,  կոռուպցիայի բարձր մակարդակ, ռեսուրսների կենտրոնացում վերևներում, պետության բազմաթիվ պարտականություններ՝ այս ամենն այսօր հանգեցրել է Հունաստանի ֆինանսատնտեսական ճգնաժամի, «Sputnik-Արմենիա» ռադիոկայանին ասաց  քաղաքագետ Արմեն Գրիգորյանը։

Փորձագետի համոզմամբ, Հունաստանի այսօրվա ճգնաժամը խոր արմատներ ունի, դրանք սկիզբ են առնում նախորդ դարի 1960-ականներից: 

«Հունաստանի տնտեսական խնդիրները  կուտակվել են այդ ժամանակներից են, իսկ այսօր վառ երևում են: 1977-ից սկսեց Հունաստանի արտաքին պարտքի կայուն աճը և շարունակվում է մինչև հիմա: Խնդիրը նաև եվրոգոտուն միանալուց հետո տեսանելի  դարձավ: Բացի դրանից, պետութունն այնքան պարտքեր է կուտակել, այնքան մեծ սոցիալական բեռ է վերցրել՝ կենսաթոշակներից սկսած, որ կանգնել է նման խնդրի առջև: Հունաստանը նաև բանակի համար է մեծ ծախսեր անում: Ի դեպ, երկրի առջև պարտականություն է դրված կրճատելու բանակի ծախսերը»,-մեկնաբանել է նա և հավելել, որ երկրում կան օլիգարխիկ խմբեր, որոնք թույլ չեն տվել այդ ծախսերը կրճատել:

Հունական խնդիրների, կոռուպցիոն ռիսկերի մասին Եվրամիությունը բազմիցս բարձրաձայնել է, բայց ինչպես նկատում է քաղաքագետը, միջազգային կառույցները մեծ հնարավորություն չունեն ազդելու ներքաղաքական գործընթացների վրա, երբեմն էլ ունենալով՝ աչք են փակել, արդյունքում էլ՝ հասել են ներկա վիճակին:

«Այսինքն՝ դժվար էր կառավարությանը ստիպել՝ իջեցնելու սոցիալական բեռը, որովհետև այդ կառավարությունն ընտրվել էր սոցիալական ծախսերն ավելացնելու խոստումով: Հիմա Եվրամիությունը դժվարանում է ստիպել Հունաստանի իշխանությանը»,-նշել է բանախոսը:

Նախընտրական քարոզարշավում Ալեքսիս Ցիպրասը խոստանում էր  15 հազար պետական աշխատողի վերադարձնել աշխատանքի:

Արմեն Գրիգորյանի համոզմամբ՝  այդ խոստումը Ցիպրասի ամենամեծ սխալներից էր:

«Նա տվել է խոստումներ, որոնք չի կարողանալու կատարել, և կնքված գործարքը ցույց է տալիս, որ Ցիպրասը գնացել է իր խոստմանը հակառակ: Հստակ էր, որ պետությունը չունի գումար և գտնվում է եվրոյի գոտում, հետեւապես՝ հավելյալ աշխատատեղեր բացելու համար, նրան պետք են գումարներ, իսկ այդ գումարները պետք է վերցնել միջազգային վարկատուների «եռյակից»,  իսկ «եռյակի» պահանջները չեն կատարել: Այսինքն՝ նա մտավ հակասությունների մեջ, պոպուլիստական ֆոնի վրա կարողացավ գալ իշխանության, բայց կանգնել ավելի խոր ճգնաժամի առջև»,-ընդգծել է նա:

Հունաստանի՝ Եվրամիության կազմում մնալը բխում է, և Եվրամիության, և Հունաստանի շահերից: Քաղաքագետը համոզված է, որ հենց Հունաստանը դուրս եկավ Եվրամիությունից՝ կանգնելու է դեֆոլտի առջև:  Նա նաև համոզված է, որ Եվրամիությունը չի զիջելու Հունաստանի պարտքերը:

 «Եթե հույներին ներվեն այդ  պատքերը, ապա պետք է ներվեն նաև իտալացիների, իսպանացիների, պորտուգալացիների պարտքերը: Ավելին, եթե այդ պարտքերը «ջրվեն», ապա հնարավորություն չի լինի նախ պարտք տալու, իսկ պարտք վերցնողները էլ կմտածեն՝ եթե «ջրվում» են, ապա եկեք պարտք վերցնենք: Այսինքն՝ ամբողջությամբ խախտվում է կոնսենսուսը: Հունաստանը սկզբից դրեց այդ պահանջը, ինչը շատ սխալ էր և անիրատեսական: Եվրամիությունում որևէ մեկը չէր պատրաստվում «ջնջելու» այդ պարտքերը, որովհետև դա կնշանակեր ամբողջ համակարգի փլուզում»,-նշել է Արմեն Գրիգորյանը:

Գլխավոր թեմաներ