18:01 18 նոյեմբերի 2017
Ուղիղ եթեր
Марсель Фрацшер

Տնտեսագետ. Հունաստանին եվրագոտուց ժամանակավորապես բացառելու պահանջները սխալ են

© dpa
Աշխարհ
Ստանալ կարճ հղումը
5 0 0

Գերմանացի տնտեսագետ Մարսել Ֆրացշերը կարծում է, որ եվրագոտուց Հունաստանի ժամանակավոր բացառումը անարդյունավետ կլիներ ինչպես Հունաստանի, այնպես էլ Եվրոպայի համար

ԵՐԵՎԱՆ, 16 հուլիսի– Sputnik. Հունաստանին եվրագոտուց ժամանակավորապես բացառելու պահանջները սխալ են հինգշաբթի Բեռլինում կայացած ասուլիսի ժամանակ լրագրողներին հայտարարել է Գերմանիայի տնտեսության ուսումնասիրության ինստիտուտի ղեկավար Մարսել Ֆրացշերը։

«Կարծում եմ, որ Հունաստանի ժամանակավոր բացառման պահանջը սխալ է, այն անարդյունավետ է ինչպես Հունաստանի, այնպես էլ Գերմանիայի և Եվրոպայի համար», – ասել է Ֆրացշերը, հաղորդում է ՌԻԱ Նովոստին։

«Եթե դա դառնա պաշտոնական դիրքորոշում, իսկ ես դեռ նման կոչեր չեմ լսել կանցլեր Անգելա Մերկելիս, ապա ես լրջորեն կմտահոգվեն իրադարձությունների նման զարգացման կապակցությամբ։ Այն կարող է լուրջ հարված հասցնել եվրոյին` որպես հուսալի, կայուն արժույթի», – ավելացրել է Ֆրացշերը։

Բրյուսելում եվրախմբի շրջանակներում կայացած բանակցությունների ժամանակ ԳԴՀ ֆինանսների նախարար Վոլֆգանգ Շոյբլեն առաջարկել է հինգ տարով բացառել Հունաստանը եվրագոտուց, եթե երկիրը հրաժարվի հետագա բարեփոխումներից և վարկատուների պայմանները կատարելուց։

Երեքշաբթի` հուլիսի 14–ին նս կրկնել էր, որ համարում է, որ այս առաջարկը հունական ճգնաժամի «լավագույն լուծումն է»։

Գերմանիայի տնտեսության ուսումնասիրության ինստիտուտի ղեկավարի խոսքաով` եվրագոտուց Հունաստանի բացառումը չի լուծում երկրի տնտեսական վիճակը փրկելու երկու գլխավոր խնդիրները, այն է` չի ուժեղացնի հունական տնտեսության մրցունակությունը և չի նպաստի հունական տնտեսության արդիականացմանը։

Գլխավոր թեմաներ