05:03 18 նոյեմբերի 2017
Ուղիղ եթեր
Города мира. Париж

Ֆրանսիայում հուլիսին գրանցված անսովոր շոգի պատճառով մահացության ցուցանիշը ավելացել է 7 տոկոսով

© Sputnik/ Валерий Мельников
Աշխարհ
Ստանալ կարճ հղումը
6 0 0

Ֆրանսիայի առողջապահության համակարգը դիմացել է անսովոր շոգի պատճառով գրանցված ծանրաբեռնվածությանը, հայտարարել է Ֆրանսիայի առողջապահության նախարարը։ 2003 թ.–ի ամռանը գրանցված անսովոր շոգ եղանակը հանգեցրել էր մահացության ցուցանիշի 55 տոկոսանոց աճի

ԵՐԵՎԱՆ, 16 հուլիսի–Sputnik. Ֆրանսիայում մոտ 700 մարդ է մահացել հուլիսին գրանցված անսովոր շոգի պատճառով, ինչը 7 տոկոսով ավել է այս ամսվա միջին ցուցանիշներից, հինգշաբթի հաղորդում է Monde թերթը` հղում անելով երկրի առողջապահության նախարար Մարիսոլ Տուրենին։

Ֆրանսիայում հունիսի 29–ից հուլիսի 5–ն ընկած ժամանակահատվածում էքստրեմալ շոգ եղանակ է գրանցվել։ Երկրի որոշ շրջաններում օդի ջերմաստիճանը գերազանցել է 40 աստիճանը։ Նախարարի տվյալներով` շտապօգնության ծառայությունը ստացել է ավելի քան 3,5 հազար կանչ, ինչը, Տուրենի խոսքով, երեք անգամ ավել է հուլիսյան սովորական ցուցանիշներից։

«Մենք բավականին լավ աշխատեցինք այս իրավիճակում և կարողացանք հետևանքները հասցնել նվազագույնի։ Մեր առողջապահության համակարգը պատվով դիմացավ ծանրաբեռնվածության կտրուկ ավելացմանը», – ընդգծել է նախարարը, հաղորդում է ՌԻԱ Նովոստին։

2003 թ.–ի ամռանը գրանցված անսովոր շոգ եղանակը հանգեցրեց մահացության ցուցանիշի 55 տոկոսանոց աճին։ Նման շոգ եղանակի հետևանքով մահացել էր 15 հազար ֆրանսիացի։ Տուրենն այդ իրադարձությունները համարել էր «կոլեկտիվ վնասվածք»։

Անսովոր շոգ եղանակի մասին զգուշացումը տարածվում է այն դեպքում, եթե էքստրեմալ ջերմաստիճանը պահպանվում է երեք օր անընդմեջ։ Ջերմաստիճանային նորմերը սահմանում է Ֆրանսիայի օդերևութաբանական ծառայությունը, դրանք տարբերվում են` կախված շրջանից։

Փարիզի բնակիչներին զգուշացնում են, եթե օդի ջերմաստիճանը ցերեկը գրանցվում է 31 աստիճանից բարձր, իսկ գիշերը` 21 աստիճանից։ Երկրի հարավում գտնվող Մարսել քաղաքի համար նորմայի գերազանցում է համարվում ցերեկը գրանցված 35 աստիճանը և գիշերը 24 աստիճանը։ 

Գլխավոր թեմաներ