02:59 21 օգոստոսի 2017
Ուղիղ եթեր
Бокс. Бой Александра Поветкина и Майка Переса

Կադիրովը կնոջը սպառնում է ամուսնալուծությամբ, եթե սեղանին լինի մթերք ոչ Չեչնիայից

© Sputnik/ Александр Вильф
Աշխարհ
Ստանալ կարճ հղումը
17 0 0

Չեչնիայի ղեկավար Ռամզան Կադիրովը հայտարարել է, որ կբաժանվի կնոջից սեղանին Չեչնիայից դուրս արտադրված մթերք հայտնվելու դեպքում, եթե դրանցից արտադրվում է հանրապետությունում։

ԵՐԵՎԱՆ, 17 հուլիսի – Sputnik. Չեչնիայի ղեկավար Ռամզան Կադիրովը հայտարարել է, որ կբաժանվի կնոջից, եթե սեղանին հայտնվեն մթերքներ` արտադրված Չեչնիայից դուրս այլ երկրներում և տարածաշրջաններում, եթե դրանցից արտադրվում են հանրապետությունում, հայտնում է ՌԻԱ Նովոստին։

Կադիրովը հինգշաբթի այցելել է Գուդերմեսի մանկական սննդի արտադրության  գործարան։ Այցի արդյունքում տարածաշրջանի ղեկավարը գրել է «ՎԿոնտակտե»-ի իր էջում, որ «կարելի է վստահորեն ասել, որ մենք հաջողությամբ լուծում ենք ներմուծման փոխարինման խնդիրը»։ Նա ավելացրել է, որ այսուհետ իր սեղանին չպետք է լինի այլ երկրների արտադրության սննդամթերք, եթե դրանց նմանն  արտադրվում է հանրապետությունում։

«Ես հայտարարել եմ, որ կամուսնալուծվեմ Մեդնի Մուսաևնայի հետ, եթե նա խախտի այդ արգելքը։ Ճիշտ է, այդ խոսքերիս համար սիրելի մայրիկս ինձ նախատեց։ Հենց մուտքից նա սկսեց ինձ հանդիմանել, թե ինչու եմ այդպիսի կատակ արել։ Իսկ ես ասացի, որ դա լուրջ է։ Ստիպված եղա գլուխս կախ կանգնել», – գրել է Կադիրովը։

ՌԴ–ն 2014 թվականի օգոստոսին սահմանափակել է պարենային արտադրանքի ներմուծումը այն երկրներից, որոնք նրա նկատմամբ պատժամիջոցներ են կիրառել, այդ թվում` ԵՄ–ից։ Արգելված սննդամթերքի շարքում է միսը, երշիկը, ձուկը, բանջարեղենը, միրգը, կաթնամթերքը։ Հունիսի վերջին իշխանությունները որոշել են  երկարացնել էմբարգոն մինչև 2016 թվականի օգոստոսի 5-ը` ցուցակից հանելով  ոստրեներն ու միդիաները` արգելելով ցանկացած պանիրների ներմուծումը և խստացնելով առանց շաքարի կաթնամթերքի ներմուծման կարգը։

Գլխավոր թեմաներ