02:57 21 օգոստոսի 2017
Ուղիղ եթեր
Флаги Евросоюза в Берлине

ԵՄ–ն ցանկանում է ԱՄՆ–ի հետ պայմանավորվել ազատ առևտրի հարցով մինչև Օբամայի հեռանալը

© Sputnik/ Владимир Астапкович
Աշխարհ
Ստանալ կարճ հղումը
5 0 0

Եվրամիությունը մտադիր է ԱՄՆ–ի հետ ավարտել Անդրատլանտյան առևտրային և ներդրումային գործընկերության համաձայնագրի կնքման շուրջ ընթացող բանակցությունները մինչև Բարաք Օբամայի նախագահական ժամկետի ավարտը

ԵՐԵՎԱՆ, 17 հուլիսի– Sputnik. Եվրամիությունը մտադիր է ԱՄՆ–ի հետ ավարտել Անդրատլանտյան առևտրային և ներդրումային գործընկերության համաձայնագրի (Transatlantic Trade and Investment Partnership, TTIP) կնքման շուրջ ընթացող բանակցությունները մինչև նախագահ Բարաք Օբամայի նախագահական ժամկետի ավարտը, ուրբաթ տեղեկացրել է ԵՄ պատվիրակության ղեկավար Գարսիո Բերսերոն։

«Մենք ցանկանում ենք ավարտել այդ բանակցությունները Օբամայի վարչակազմի հետ», – ասել է նա TTIP–ի շուրջ ընթացող բանակցությունների 10–րդ փուլի արդյունքում, որոնք անցկացվել են Բրյուսելում հուլիսի 13–17–ը, հաղորդում է ՌԻԱ Նովոստին։

Ավելի վաղ European Gazette ինտերնետային թերթը տեղեկացրել էր, որ Եվրամիության 14 երկրներում  ԱՄՆ–ի հետ համաձայնագրի կնքմանը դեմ հավաքվել է երկու միլիոն ստորագրությունը։ Մի շարք մասնագետների կարծիքով` այդ համաձայնագիրը կործանարար է եվրոպական փոքր և միջին ձեռնարկությունների համար։

ԵՄ–ն և ԱՄՆ–ն նախատեսում են մինչև այս տարվա վերջ ավարտել բանակցությունները` հայտարարելով, որ TTIP–ին կդառնա պատմության մեջ խոշորագույն առևտրային համաձայնագիրը, որը կկապի գլոբալ տնտեսական արտադրության մոտ 60 տոկոսը և կստեղծի ազատ առևտրի «միջանցք»`Հավայան կղզիներից մինչև Լիտվա։

TTIP–ին կոչված է նվազեցնել սակագինը և վերացնել կարգավորող արգելապատերը բիզնեսում ԵՄ երկրների և ԱՄՆ–ի միջև` նման կերպ հարաբերականորեն ունիվերսալ դարձնելով երկու տնտեսական տարածքներում գործող ընկերությունների նկատմամբ պահանջները։

Համաձայնագրի հակառակորդները, ովքեր կոչում են այն «տնտեսական ՆԱՏՕ», կարծում են, որ այն արտացոլում է բացառապես անդրազգային ընկերությունների շահերը, որոնք պայքարում են Եվրոպայում վերահսկողության նվազման և կարգավորման միջոցների թուլացման համար։ Պայմանագրի պատրաստման ընթացքում ԵՄ պետություններում կազմակերպվել են բողոքի հարյուրավոր ակցիաներ։

Գլխավոր թեմաներ