16:55 19 հունվարի 2017
Ուղիղ եթեր
Черная дыра в Космосе

«Ռադիոաստրոնը» ստացել է սև խոռոչի «թքելու» ռեկորդային հստակ լուսանկարներ

© Spacegid
Աշխարհ
Ստանալ կարճ հղումը
5 0 0

Ռուսական «Ռադիոաստրոն» վերգետնյա տիեզերական աստղադիտարանը ստացել է NGC 1275 գալակտիկայի կենտրոնում հսկայախավար սև խոռոչի «թքելու» կառուցվածքի առաջին մանրամասն տվյալները, որոնք կօգնեն գիտնականներին հասկանալ, թե ինչպես սև խոռոչները ծամում և թքում մատերիան, հայտարարել է Յուրի Կովալյովը

ԵՐԵՎԱՆ, հուլիսի 20– Sputnik. Ռուսական «Ռադիոաստրոն» վերգետնյա տիեզերական աստղադիտարանը ստացել է NGC 1275 գալակտիկայի կենտրոնում հսկայածավալ սև խոռոչի «թքելու» կառուցվածքի առաջին մանրամասն տվյալները, որոնք կօգնեն գիտնականներին հասկանալ, թե ինչպես են սև խոռոչները ծամում և թքում մատերիան, հայտարարել է Լեբեդևի անվան Ֆիզիկական ինստիտուտի Աստղատիեզերական կենտրոնի լաբորիատորիայի վարիչ Յուրի Կովալյովը։

Այդ գալակտիկան գտնվում է Պերսևսի համաստեղությունում` Երկրից մոտավորապես 222 միլիոն լուսային տարի հեռավորության վրա, նշում է ՌԻԱ Նովոստին։ Այն պատկանում է այսպես կոչված հսկա ձվածրաձև գալակտիկաների թվին, ուստի Ծիր կաթինի շրջակայքում ամենախոշոր «աստղային մեգապոլիսներից»  է։

Նրա կենտրոնում է գտնվում 3C 84 հսկայածավալ սև խոռոչը, որից ելնում են ջեթերը` մատերիայի նուրբ փնջերը, որոնք տաքացած են մինչև հսկայական ջերմաստիճաններ և սլանում մինչև լուսային արագություն։ Սև խոռոչի այդ «թքելը», ինչպես նաև դրանցից և գալակտիկայի կենտրոնական հատվածից ելնող գազի «թելերը» վաղուց են հետաքրքրում ողջ աշխարհի աստղագետներին։

3C 84–ի երկարատև հետազոտությունները, որոնց մասնակցել են 25 տարբեր ռադիոաստղադիտակներ Եվրոպայում, Ռուսաստանում, Կորեայում և ԱՄՆ–ում, թույլ են տվել «Ռադիոաստրոնին» ստանալ սև խոռոչի շրջակայքի քարտեզ ռեկորդային թույլտվությամբ, որը կազմում է ընդամենը 0,04 լուսային տարի։

Գիտնականի խոսքով` այդ քարտեզն արդեն օգնել է գիտնականներին «տեսնել» երկու ջեթերը, որոնք ելնում են սև խոռոչից, ինչպես նաև հասցրել է բացահայտել մի քանի կարևոր դետալներ ջեթի կառուցվածքում և ցույց տալ նրա վերջավորության անսպասելի պայծառությունը։


Գլխավոր թեմաներ