ԵՐԵՎԱՆ, 21 հուլիսի — Sputnik. ԱՄՆ–ի և Կուբայի դեսպանությունների բացումը Հավանայում և Վաշինգտոնում ցույց է տալիս, որ սառը պատերազմն ավարտվել է, երկուշաբթի ասել է ԱՄՆ պետքարտուղար Ջոն Քերին։
«Իհարկե, այդ գործոնը չի խոսում մեր հակասությունների վերացման մասին, որոնք կիսում են մեր կառավարությունները։ Բայց այն արտացոլում է այն փաստը, որ սառը պատերազմի իրողությունները վաղուց անցյալում են»,– ասաց նա Կուբայի ԱԳՆ ղեկավար Բրունո Ռոդրիգեսի հետ պետդեպարտամենտում կայացած համատեղ մամուլի ասուլիսում, հաղորդում է ՌԻԱ Նովոստին։
Քերիի խոսքով, դա խոսում է նաև «այն մասին, որ մեր երկրների շահերն ավելի լավ են բավարարվում համագործակցության, ոչ թե դիմակայության դեպքում»։
«Մենք պետք է սկսենք հարաբերությունների բարելավման լիարժեք գործընթաց։ Իհարկե, այն ժամանակ կպահանջի, բայց արդյունքում կշահեն Կուբայի և ԱՄՆ–ի ժողովուրդները»,– ասել է պետքարտուղարը։
Քերի. ԱՄՆ–ի և Կուբայի դեսպանությունների բացումը սառը պատերազմի ավարտի նշան է
© ZUMA24.comСША и Куба
Բաժանորդագրվել
Պետքարոտւղար Ջոն Քերին ասել է, որ ԱՄՆ–ի և Կուբայի դեսպանությունների բացումը Հավանայում և Վաշինգտոնում ցույց է տալիս, որ սառը պատերազմն ավարտվել է