00:06 21 հունվարի 2017
Ուղիղ եթեր
Евразийское экономическое сообщество (ЕАЭС) флаги

ԵՏՀ նախարար. ԵՏՄ–ի և Մետաքսի ճանապարհի միավորումը բացառված չէ

Աշխարհ
Ստանալ կարճ հղումը
910

ԵՏՄ–ի և «Նոր մետաքսի ճանապարհի» համագործակցության արդյունքում կզարգանան միության երկրների տնտեսությունները, հայտարարել է ԵՏՀ–ի նախարար Սերգեյ Սիդորսկին

ԵՐԵՎԱՆ, հուլիսի 21– Sputnik. ԵՏՄ–ի և «Նոր մետաքսի ճանապարհ» ինտեգրացիոն նախագծերի միավորումը բացառված չէ, երեքշաբթի Երևանում լրագրողներին ասաց Եվրասիական տնտեսական հանձնաժողովի (ԵՏՀ) արդյունաբերության և ագրոարդյունաբերական համալիրի նախարար Սերգեյ Սիդորսկին։

«Մենք շատ ուշադիր մշակում ենք «Մետաքսի ճանապարհ» նախագծի հարցը։ Մեր կարծիքով` այդ նախագիծը շատ հետաքրքրիր  է Եվրասիական տնտեսական միության համար»,– ասաց Սիդորսկին։

Նրա խոսքով` սեպտեմբերին Վլադիվոստոկում գործարարների հետ մեծ քննարկում կանցկացվի` «Մետաքսի ճանապարհը և ԵՏՄ–ն։ Ապագա հեռանկարներ» թեմայով։

«Մենք կարծում ենք, որ այդ համագործակցությունը ոչ միայն տրանսպորտային բաղադրիչը զարգացնելու հնարավորություն կտա, այլ նաև նոր բիզնես կձևավորվի ԵՏՄ–ում, ինչը կխթանի մեր տնտեսությունների զարգացումը»,– նշեց Սիդորսկին։

ԵՏՄ–ն միջազգային ինտեգրացիոն տնտեսական միավորում է` ստեղծված Մաքսային միության և Միասնական տնտեսական տարածության հիման վրա և գործում է ընթացիկ տարվա հունվարից։ Այժմ ԵՏՄ անդամներն են Ռուսաստանը, Հայաստանը, Բելառուսը և Ղազախստանը, շուտով նրանց կմիանա նաև Ղրղըզստանը։

«Նոր մետաքսի ճանապարհը» աննախադեպ ենթակառուցվածքային նախագիծ է, որը նախաձեռնել է Չինաստանը։ Այս նախագծի իրագործման արդյունքում չինական ապրանքները զգալիորեն արագ և էժան կմատակարարվեն Եվրոպա` Կենտրոնական Ասիայի և Կովկասի տարածքով։

Նախագծի իրագործման համար Պեկինը հիմնել է Մետաքսի ճանապարհի 40–միլիարդանոց հիմնադրամը, ինչպես նաև` 100–միլիարդանոց Ենթակառուցվածքային ներդրումների ասիական բանկը, որն իր աշխատանքը սկսել է 2015թ.–ի հունիսի 29–ին։

Գլխավոր թեմաներ