00:11 19 օգոստոսի 2017
Ուղիղ եթեր
Пленарное заседание Госдумы РФ

Նարիշկին. Ղրիմը 1991 թվականից մինչև 2014 թվականը խաղաղ բռնակցված էր Ուկրաինայի կողմից

© Sputnik/ Владимир Федоренко
Աշխարհ
Ստանալ կարճ հղումը
4 0 0

23 տարի շարունակ Ղրիմի բնակչությունը զգում էր, որ գտնվում է օտարության մեջ, և մարդիկ երազում էին կրկին հայտնվել իրենց պատմական երկրում` Ռուսաստանում, հայտնել է Պետդումայի խոսնակ Սերգեյ Նարիշկինը։

ԵՐԵՎԱՆ, 23 հուլիսի – Sputnik. Ղրիմի բնակիչների մեծ մասը Ուկրաինայի կողմից խաղաղ անեքսիայի պայմաններում իրենց օտարության մեջ էին զգում և երազում էին կրկին հայտնվել Ռուսաստանում, հինգշաբթի հայտնել է ՌԴ Պետդումայի խոսնակ Սերգեյ Նարիշկինը Ֆրանսիայի պատգամավորների պատվիրակության հետ հանդիպման ժամանակ։ Պատվիրակության անդամները պատրաստվում են Ղրիմ այցելել։

«Ես համոզված եմ, որ մարդիկ ձեզ անկեղծ կպատմեն` ինչ էին նրանք զգում և ինչպես ապրում 23 տարի շարունակ` սկսած 1991 թվականից մինչև 2014 թվականը, երբ մի շարք հանգամանքների պատճառով Ղրիմը, ըստ էության, թող որ խաղաղ, բայց և այնպես բռնակցված էր Ուկրաինայի կողմից, ընդգծում եմ` խաղաղ։ Գիտեմ, որ Ղրիմի բնակչության մեծ մասը, բոլոր այս տարիների ընթացքում զգում էր, որ օտարության մեջ է, և երազում էր կրկին գտնվել պատմական հայրենիքում` Ռուսաստանում», – ասել է Նարիշկինը, հաղորդում է ՌԻԱ Նովոստին։

Նա պատմել է, որ 2014 թվականի մարտից հետո Ղրիմում եղել է 4 անգամ։ «Ես հանդիպում էի մարդկանց հրապարակներում, փողոցներում, այգիներում և նրանց հետ պարզապես անկեղծ զրույց էի ունենում», – նշել է պատգամավորը։

Նարիշկինի խոսքով` 2009 թվականին նրան բախտ է վիճակվել ներկա գտնվելու մայիսի 9-ի Հաղթանակի տոնակատարությանը Սևաստոպոլում։ «Ես տեսել եմ այդ քաղաքի բնակիչների տոնական երթը։ Եվ ես ապշած էի, որ ցույցին բնակիչները քայլում էին հիմնականում Ռուսաստանի դրոշը բռնած։ Այո, կային նաև Ուկրաինայի դրոշով մարդիկ, սակայն գերակշռում էին ՌԴ դրոշները», – ասել է Պետդումայի խոսնակը։

«Ինձ հետաքրքիր կլինեն ձեր տպավորությունները Ղրիմի ուղևորության մասին», – ավելացրել է նա` դիմելով Ֆրանսիայի խորհրդարանականներին։

Ղրիմը կրկին ընդգրկվեց Ռուսաստանի կազմում 2014 թվականի մարտին կայացած հանրաքվեից հետո, որի ժամանակ բնակչության ճնշող մեծամասնությունը, չընդունելով Ուկրաինայում փետրվարյան պետական հեղաշրջման լեգիտիմությունը,  քվեարկեց ՌԴ–ի կազմի մեջ մտնելու օգտին։ Մոսկվայում ընդգծում են, որ Ղրիմում հանրաքվեի անցկացումը համապատասխանում է ՄԱԿ–ի օրենսդրությանն ու իրավունքի միջազգային նորմերին։

Գլխավոր թեմաներ