09:26 28 հունիսի 2017
Ուղիղ եթեր
Извержение вулкана Плоский Толбачик на Камчатке

Ալմաստների նոր տեսակ է հայտնաբերվել Տոլբաչիկ հրաբխի սառած լավայում

© Sputnik/ Юрий Демянчук
Աշխարհ
Ստանալ կարճ հղումը
6 0 0

Բացառիկ ալմաստները գոյացել են ոչ թե մագմայի հալվածքում, այլ հրաբխային գազերում ամպրոպի էլեկտրական լիցքերի հետևանքով շոկային բյուրեղացման արդյունքում

ԵՐԵՎԱՆ, 24 հուլիսի – Sputnik. Երկրաբանները Կամչատկայի Տոլբաչինսկի ժայթքման սառած լավայում նոր տեսակի խոշոր ալմաստներ են հայտնաբերել, հաղորդում է ՌԻԱ Նովոստին` հղում անելով ՌԴ կրթության և գիտության նախարարությանը։

«Տոլբաչինսկի ժայթքման սառած լավայում հայտնաբերվել են նոր, նախկինում չհանդիպած ալմաստներ։ Դրանք այդպես էլ կոչվել են` տոլբաչինսկու ալմաստներ։ Ռուս երկրաբանների կարծիքով…, այդ բացառիկ ալմաստները գոյացել են ոչ թե մագմայի հալվածքում, այլ հրաբխային գազերում ամպրոպի էլեկտրական լիցքերի հետևանքով շոկային բյուրեղացման արդյունքում»,– ասվում է հաղորդման մեջ։

Կամչատկայի Տափակ Տոլբաչիկ լեռնազանգվածում 2012 թվականի դեկտեմբերի 27–ին սկսված և 2013 թվականի հոկտեմբերի 9–ին ավարտված ժայթքումը վերաբերում է ճեղքային ժայթքումների թվին, երբ լավան դուրս է թափվում ոչ թե հրաբխի խառնարանից, այլ դրա լանջերի զուգահեռ և հատվող ճեղքերից։ Ընդամենը պատմության մեջ մինչև 2012 թվականն այդպիսի վեց ժայթքում է եղել։ Տոլբաչիկում տեղի է ունեցել յոթերորդ ճեղքային ժայթքումը։

«Ներկայում հրաբխային լավայի ոչ մեծ կտորներից արդեն դուրս է բերվել արդեն մի քանի հարյուր ալմաստ, իսկ դա շատ է։ Ալմաստների այսպիսի քանակը կարելի է համեմատել Հնդկաստանի Դաչին հանքավայրում լավային հանքաքարերի ալմաստային անոմալ բարձր տոկոսի հետ (77 ալմաստ 1 կգ փորձանմուշում) և Կանադայի մագմատիկ անսովոր նյութի հետ (1500 ալմաստ 28 կգ փորձանմուշում)»,– հայտնում է ԿԳ նախարարությունը։

Տոլբաչինսկի ալմաստները չափերով բավականին խոշոր են` 250–ից մինչև 700 մկմ։ Այս բոլոր փաստերը թույլ են տվել երկրաբաններին առայժմ զգույշ հետևություն անել, որ թերևս որոշ լավային պրոդուկտներ ալմաստակիր են։

Գտնված ալմաստները նախկինում հայտնի բոլոր տեսակներից տարբերվում էին հանքաերկրաքիմիական բնութագրերի մեծամասնությամբ` այրման ջերմաստիճանից մինչև միկրոխառնուրդների կազմը։ Այս բոլոր տարբերությունները ստիպում են լավայից դուրս բերված ալմաստներն առանձնացնել նախկինում անհայտ` տոլբաչինսկու տեսակում։ Ինչպես հույս ունեն գիտնականները, դրանց հայտնաբերումը կօգնի ալմաստակիր նոր շրջանների որոնմանը։

Գլխավոր թեմաներ