ԵՐԵՎԱՆ, հուլիսի 27– Sputnik. Ուիթնի Հյուսթոնի դուստրը` 22 տարեկան Բոբի Քրիստինա Բրաունը, մահացել է ԱՄՆ–ում` Ատլանտայի հոսպիսում, հայտնում է ՌԻԱ Նովոստին։
«Նա վերջապես իր հանգիստը գտավ Աստծու մոտ։ Մենք ցանկանում ենք ևս մեկ անգամ շնորհակալություն հայտնել բոլորին վերջին մի քանի ամիսների ընթացքում անսահման սեր դրսևորելու և աջակցելու համար»,– Entertainment Tonight կայքը մեջբերում է ընտանիքի հայտարարությունը։
Ինչպես հաղորդում է TMZ կայքը, մեկ ամիս առաջ հարազատները որոշել էին դադարեցնել բուժումը, քանի որ բժիշկները խոստովանել էին, որ իրենք անզոր են օգնել աղջկան։ Բոբի Քրիստինա Բրաունին անգիտակից վիճակում հայտնաբերել էին հունվարի 31–ին, ոստիկանական փորձագետների կարծիքով` նա ջրի տակ է մնացել երկուսից հինգ րոպե։ Շտապօգնության բժիշկները կարողացել էին դուրս մղել ջուրը, սակայն նա այդպես էլ դուրս չէր եկել կոմայից, և բժիշկները կենսագործունեություն ապահովող սարք էին միացրել։
Քրիստինայի վիճակը շարունակել էր վատանալ։
Բոբի Քրիստինան Ուիթնի Հյուսթոնի և R&B կատարող Բոբի Բրաունի դուստրն է։ Հայտնի է, որ Հյուսթոնն իր ողջ ունեցվածքը կտակել է միակ դստերը։
Մեկ ամիս առաջ Բոբի Քրիստինայի իրավաբանը հայց է ներկայացրել նրա զուգընկերոջ` Նիկ Գորդոնի դեմ։ Իրավաբանը մեղադրում է աղջկան վնասվածքներ հասցնելու և նրա դրամական միջոցները գողանալու մեջ։
Իրավաբան Բեդիլիա Հագրովը փաստաթուղթը ներկայացրել է Բոբի Քրիստինայի անունից և նշել, որ երիտասարդը կարող էր աղջկան մարմնական վնասվածքներ հասցնել։ Բացի այդ, հայցում նշվում է, որ Գորդոնը կարող էր ավելի քան 11 հազար դոլար գողանալ Բոբի Քրիստինայի բանկային հաշվից։
Ուիթնի Հյուսթոնը մահացել է 2012թ.–ի փետրվարի 12–ին թմրանյութերի չարաշահումից։ Նրան հայտնաբերել էին Բևեռլի Հիլզում գտնվող Beverly Hilton հյուրանոցի համարի լոգասենյակում։
Ուիթնի Հյուսթոնի աղջիկը վախճանվել է
© PeopleTalkУитни Хьюстон с дочерью Бобби Кристина Браун
Բաժանորդագրվել
Բոբի Քրիստինա Բրաունին անգիտակից վիճակում հայտնաբերել են հունվարի 31–ին, ոստիկանական փորձագետների կարծիքով` նա ջրի տակ է մնացել երկուսից հինգ րոպե։ Նրա կյանքն արհեստական կերպով պահպանել են գրեթե վեց ամիս, բայց բժիշկները խոստովանել են, որ իրենք անզոր են։