10:10 22 հոկտեմբերի 2017
Ուղիղ եթեր
Джон Сьюэл

Բրիտանիայի Լորդերի պալատի փոխխոսնակը հրաժարական է ներկայացրել աղմկահարույց տեսանյութի պատճառով

© Habervizyonu
Աշխարհ
Ստանալ կարճ հղումը
292 0 0

Ավելի վաղ ԶԼՄ–ները տեսանյութ էին հրապարակել, որում բրիտանական խորհրդարանի Լորդերի պալատի փոխխոսնակ Պեր Ջոն Սյուելը մերկ էր և կոկաին էր օգտագործում:

ԵՐԵՎԱՆ, հուլիսի 27– Sputnik. Բրիտանական խորհրդարանի Լորդերի պալատի փոխխոսնակ Ջոն Սյուելը կիրակի լքել է պաշտոնը։ Պատճառը համացանցում հրապարակված տեսանյութն է, որում պաշտոնյան մարմնավաճառուհիների ընկերակցությամբ թմրանյութ է օգտագործում, հաղորդում է ՌԻԱ Նովոստին` հղում անելով The Telegraph հրատարակությանը։

Ավելի վաղ The Sun հրատարակությունը 45–րոպեանոց տեսանյութ էր տարածել, որում 69–ամյա Պեր Ջոն Սյուելը մերկ է և կոկաին է օգտագործում երկու մարմնավաճառների ընկերակցությամբ։

Սյուելն ունի չորս երեխա, նրանցից երկուսը որդեգրված են։ Հայտնի է որպես Մեծ Բրիտանիայի նախկին վարչապետ Թոնի Բլերի առանցքային դաշնակից։ Պերի անունով է կոչվել «Սյուելի կոնվենցիան», որն արգելում է խորհրդարանին կիրառել Շոտլանդիայի նկատմամբ օրենքը` առանց շոտլանդական խորհրդարանի հաստատման։
Երեկույթից վեց օր առաջ Սյուելը հայտարարել էր, որ պալատը նոր լիազորություններ ունի, որոնք թույլ են տալիս Լորդերի պալատի կազմից հեռացնել վարքագծի օրենսգիրքը խախտած լորդերին։

Նախկին փոխխոսնակի հետ կապված դեպքը կհետաքննի ոստիկանությունը։ Նա հրաժարվել է նաև արտոնությունների և պահվածքի հանձնաժողովի նախագահի պաշտոնից։

Սյուելը որևէ մեկնաբանություն չի ներկայացրել։

Գլխավոր թեմաներ