16:58 19 հունվարի 2017
Ուղիղ եթեր
Рейтинговое агентство Мудис (Moody's)

Moody's–ը հրապարակել է Ուկրաինայի հնարավոր դեֆոլտի ամսաթիվը

© 24daily
Աշխարհ
Ստանալ կարճ հղումը
7710

Ուկրաինայի արտաքին պարտքը կազմում է 40 միլիարդ դոլար։ Moody's Investors Service միջազգային վարկանշային գործակալությունը նշում է, որ Ուկրաինայի կողմից արտաքին պարտքերի վճարման մորատորիումի հայտարարման ռիսկն առավել հավանական է դեռ սեպտեմբերի վերջին։

ԵՐԵՎԱՆ, 27 հուլիսի — Sputnik. Արտաքին պարտքերի վճարման վերաբերյալ Ուկրաինայի կողմից մորատորիում հայտարարելու ռիսկը պահպանվում է, չնայած, որ Կիևը կառավարության պարտատոմսերի ուղղությամբ հերթական անգամ 120 միլիոն դոլարի վճարում է կատարել։ Ինչպես հաղորդում է ՌԻԱ Նովոստին, այդպես է կարծում Moody's Investors Service միջազգային վարկանշային գործակալությունը։

Moody's–ը կարծում է, որ տվյալ վճարումն իրականացվել է, քանի որ կառավարությունը բանակցություններում արձանագրված առաջխաղացումը բավարար է համարել և չի ցանկացել վնասել հետագա գործընթացին։ «Մենք ակնկալում ենք, որ նույն պատճառով էլ Ուկրաինայի կառավարությունը մինչև օգոստոսի 23–ին կիրականացնի… 60 միլիոն դոլարի հաջորդ վճարումը»,– նշվում է գործակալության հաղորդման մեջ։

Moody's–ը միաժամանակ կարծում է, որ իսկական ռիսկը կլինի սեպտեմբերի վերջին, երբ Արժույթի միջազգային հիմնադրամը և Ուկրաինայի այլ վարկատուներ կփորձեն մասնավոր վարկատուների հետ համաձայնության հասնել նախքան ԱՄՀ–ի հետ Ուկրաինայի համագործակցության ծրագրի եռամսյակային հերթական վերանայման ավարտը և օգնության նոր տրանշի տրամադրումը։

«Եթե Ուկրաինայի կառավարությունը և մասնավոր վարկատուները համաձայնության չգան մինչև ԱՄՀ ծրագրի սեպտեմբերյան վերանայումը, ապա Ուկրաինան կարող է զերծ մնալ սեպտեմբերի 23–ին  2010 թվականին թողարկված 500 միլիոն դոլարի պարտատոմսերի մարումից»,– ավելացնում է վարկանշային գործակալությունը։

Ուկրաինայի պետական պարտքը կազմում է 70 միլիարդ դոլար, որոնցից մոտ 40 միլիարդն արտաքին պարտք է։ Իշխանությունները երկիրը երկարատև տնտեսական ճգնաժամից դուրս բերելուն շրջանակում բանակցություններ են վարում վարկատուների հետ պարտքի հիմնական գումարի 40 տոկոսը դուրս գրելու ուղղությամբ, ինչը կազմում է մոտ 15 միլիարդ դոլար։

Գլխավոր թեմաներ