23:09 28 հունիսի 2017
Ուղիղ եթեր
Футбол. Лига чемпионов. Финал. Матч Ювентус - Барселона

«Բարսելոնան» տուգանվել է Իսպանիայի հիմնի ժամանակ երկրպագուների սուլելու պատճառով

© Sputnik/ Антон Денисов
Աշխարհ
Ստանալ կարճ հղումը
13 0 0

Բարսելոնայի «Կամպ Նոու» մարզադաշտում մայիսի 30-ին «Ատլետիկոյի» (Բասկերի երկիր) և «Բարսելոնայի» (Կատալոնիա) խաղից առաջ հնչած հիմնի ընթացքում երկրպագուներն իրենց վերաբերմունքն են արտահայտել իշխանության նկատմամբ` սուլելով Իսպանիայի հիմնի ժամանակ։

ԵՐԵՎԱՆ, 28 հուլիսի – Sputnik. «Բարսելոնան» տուգանվել է օտարատյացության, անհանդուրժողականության, ռասիզմի և բռնության դեմ Իսպանիայի պետական կոմիտեի կողմից 6 հազար եվրոյով Բիլբաոյի «Ատլետիկի» հետ Իսպանիայի ֆուտբոլի գավաթի եզրափակիչ խաղից առաջ երկրպագուների սուլելու պատճառով, հաղորդում է ՌԻԱ Նովոստին։

Մայիսի 30-ին Բարսելոնայի «Կամպ Նոու» մարզադաշտում «Ատլետիկոյի» (Բասկերի երկիր) և «Բարսելոնայի» (Կատալոնիա) խաղից առաջ, որին որպես երկրի ղեկավար առաջին անգամ մասնակցում էր Ֆիլիպե VI-ը, երկրպագուները սկսեցին սուլել և բղավել Իսպանիայի հիմնի ժամանակ։ Խաղն ավարտվեց «Բարսայի» հաղթանակով` 3։1 հաշվով։ Կատալոնիան և Բասկերի երկիրը ամենաազգայնական տրամադրված Իսպանիայի ինքնիշխանություններից են, որոնց բնակիչների մեծամասնությունը հանդես է գալիս իրենց բաժանման համար։

«Բարսելոնան» նաև տուգանվել է 60 հազար եվրոյով` խաղի անվտանգությունը չապահովելու համար։ Կատալոնական ակումբը կարծում է, որ հանձնաժողովի որոշումը անարդար է և պատրաստվում է այն բողոքարկել։

Իսպանիայի թագավորական ֆուտբոլի ֆեդերացիան (RFEF)` որպես խաղի գլխավոր կազմակերպիչ, տուգանվել է 123 հազար եվրոյով։ «Ատլետիկը» կվճարի 18 հազար եվրո` անտարբեր մնալու և արգելված քաղաքական ակցիաների կանխարգելմանը համագործակցելու համար։

Գլխավոր թեմաներ