17:59 20 հունվարի 2017
Ուղիղ եթեր
Рабочий визит В.Путина вТурцию

Էրդողան. Թուրքիան հույս ունի, որ ՆԱՏՕ–ն կաջակցի իրեն ահաբեկության դեմ պայքարում

© Sputnik/ Сергей Гунеев
Աշխարհ
Ստանալ կարճ հղումը
4 0 0

Թուրքիայի նախագահ Ռեջեփ Թայիպ Էրդողանը հույս է հայտնել, որ դաշնակիցները կաջակցեն երկրին և կանեն հնարավոր ամեն ինչ

ԵՐԵՎԱՆ, 28 հուլիսի– Sputnik. Թուրքիան հույս ունի, որ ՆԱՏՕ–ն կաջակցի իր ջանքերին` ուղղված ահաբեկության հակազդմանը, երեքշաբթի լրագրողներին հայտարարել է Թուրքիայի նախագահ Թայիպ Էրդողանը, հաղորդում է ՌԻԱ Նովոստին։

ՆԱՏՕ–ն երեքշաբթի Թուրքիայի պահանջով կկազմակերպի Հյուսիսատլանտյան խորհրդի արտակարգ նիստը` դեսպանների մակարդակով Թուրքիայում վերջերս գրանցված ահաբեկությունների կապակցությամբ։

«Այսօր ՆԱՏՕ–ի հատուկ նիստ կկազմակերպվի։ Հուսով եմ, որ մեր դաշնակիցները կաջակցեն մեզ և կանեն հնարավոր ամեն ինչ», – ասել է Էրդողանը։

Վերջին շաբաթվա ընթացքում Թուրքիայում իրավիճակը կտրուկ սրվել է Սիրիայի սահմանին գտնվող Սուրուչ քաղաքում «Իսլամական պետություն» խմբավորման կազմակերպած ահաբեկությունից և հարավ–արևելյան գավառներում ոստիկանների սպանություններից հետո, որի համար պատասխանատվությունն իր վրա է վերցրել «Քրդստանի աշխատավորական կուսակցությունը»։

Վերջին մի քանի օրվա ընթացքում Թուրքիայի բանակը մի քանի գրոհներ է կազմակերպել ԻԼԻՊ–ի թիրախների ուղղությամբ Սիրիայի հետ սահմանակից շրջաններում և ջախջախել է Իրաքի հյուսիսում գտնվող Քրդստանի աշխատավորական կուսակցության օբյեկտները։ Գրոհները կազմակերպվել են F-16 կործանիչներից, ինչպես նաև տանկերից և հրետանուց Թուրքիայի սահմանակից տարածքից։ Դրան ի պատասխան` Քրդստանի աշխատավորական կուսակցությունն իր կայքում հայտարաերլ է, որ Անկարայի հետ հաշտվելն անիմաստ է դարձել։

Գլխավոր թեմաներ