00:07 20 փետրվարի 2019
Ուղիղ եթեր
  • USD487.50
  • GBP629.90
  • EUR551.07
  • RUB7.36
Боевики ИГИЛ в плену у сирийских спецслужб

Լեհաստանի հատուկ ծառայությունները հետևում են ԻՊ անդամների 200 պոտենցիալ հանցակիցների

© Sputnik / Дмитрий Виноградов
Աշխարհ
Ստանալ կարճ հղումը
4 0 0

ԶԼՄ–ների տեղեկատվության համաձայն, ամենից հաճախ հետևում են չեչեններին, որոնք գտնվել են Լեհաստանում և կապված են «Իսլամական պետության» հետ։ Սպառնալիք են ներկայացնում նաև լեհերը, որոնք ընդունել են իսլամ և անցել ԻՊ կողմը

ԵՐԵՎԱՆ, հուլիսի 28– Sputnik. Լեհաստանի հատուկ ծառայությունները լրտեսում են շուրջ 200 հոգու, որոնք կարող են կապված լինել իսլամական ահաբեկիչների հետ, հաղորդում է ՌԻԱ Նովոստին` հղում անելով լեհական TVN24 հեռուստաալիքին։

Հատուկ ծառայությունների հետ աշխատանքի խորհրդարանական հանձնաժողովին համապատասխան տեղեկատվություն է տրամադրել Լեհաստանի ներքին անվտանգության գործակալության ղեկավարի տեղակալ Յացեկ Գաբրիշևսկին, նշում է հեռուստաալիքը։

«Ամենից հաճախ հետևում են չեչեններին, որոնք գտնվել են Լեհաստանում և կապված են «Իսլամական պետության» հետ։ Այդ մարդկանց մի մասը գտնվում են Սիրիայում կամ Իրաքում, որտեղ նրանք պատերազմում են ահաբեկիչների ստորաբաժանումներում և միաժամանակ կապեր են պահպանում Լեհաստանի հետ։ Բացի չեչեններից սպառնալիք են ներկայացնում լեհերը, որոնք իսլամ են ընդունել և անցել «Իսլամական պետության» կողմը»,– հաղորդում է TVN24 հեռուստաալիքը։

Այս տարվա մայիսին  Մամուլի լեհական գործակալությունը հաղորդել է, որ Լեհաստանի հատուկ ծառայությունները ձերբակալել են երեք չեչենների` ահաբեկչական կազմակերպություններին ֆինանսավորելու կասկածանքով։ Գործը վարում է դատախազությունը լեհական Բելոստոկ քաղաքում։ Խոսքը գնում է Լեհաստանի տարածքում կազմակերպության գործունեության մասին, որը զբաղվում է «Իսլամական պետություն» ահաբեկչական խմբավորման լոգիստիկ աջակցությամբ։

Գլխավոր թեմաներ