15:21 24 հոկտեմբերի 2017
Ուղիղ եթեր
Города мира. Париж

ԶԼՄ. Փարիզում վերացնում են միգրանտների ճամբարը

© Sputnik/ Валерий Мельников
Աշխարհ
Ստանալ կարճ հղումը
317 0 0

Անօրինական միգրանտների ճամբարը գտնվում էր Փարիզի 18–րդ օկրուգում։ Հատուկ ծառայություններն ուղեկցում են միգրանտներին մինչև ժամանակավոր տեղավորման կենտրոններ։

ԵՐԵՎԱՆ, 29 հուլիսի – Sputnik. Փարիզի իշխանություններն անցել են միգրանտների ճամբարի լուծարմանը, տարհանվում է մոտ 200 մարդ, հայտնում է ՌԻԱ Նովոստին` հղում անելով Ֆրանս Պրես գործակալությանը։

Գործակալության տեղեկացմամբ, անօրինական միգրանտների ճամբարը գտնվում էր Ֆրանսիայի մայրաքաղաքի 18–րդ օկրուգում։ Հատուկ ծառայությունները միգրանտներին ուղեկցում են մինչև ժամանակավոր տեղավորման կենտրոններ։ Քաղաքի սոցիալական ծառայությունների, Փախստականների պաշտպանության մարմնի (OFPRA), France Terre d'Asile քաղաքական փախստականների պաշտպանների ասոցիացիայի աշխատակիցներն ուղեկցում են միգրանտներին մինչև ժամանակավոր տեղավորման կենտրոններ։

Ավելի վաղ Ֆրանսիայի իշխանություններն արդեն անցկացրել են նմանատիպ օպերացիաներ։ Հունիսի սկզբին Փարիզի ոստիկանությունը տարհանել է 350 մարդու La Chapelle (քաղաքի 10–րդ և 18–րդ օկրուգների սահմանին) պուրակում գտնվող փախստականների ճամբարից։

Միգրանտների մեծ մասը փախել է Ֆրանսիա Աֆղանստանից, Էրիթրեից, Սուդանից և Սիրիայից։ Բազմաթիվ փախստականներ օգտագործում են Ֆրանսիան որպես տարանցիկ կետ և զանազան տարբերակներ են փնտրում հայտնվելու համար իրենց Մեծ Բրիտանիա տեղափոխող լաստանավի վրա։

Գլխավոր թեմաներ