ԶԼՄ. Իտալացի պատգամավորները ֆրանսիացիներից հետո նախատեսում են այցելել Ղրիմ

ԵՐԵՎԱՆ, հուլիսի 29– Sputnik. Իտալացի խորհրդարանականներն որոշում են ընդունել այցելել Ղրիմ։ Ինչպես պատմել է «Կոմերսանտ» թերթին ուղևորության կազմակերպիչներից մեկը, «Հինգ աստղ» շարժման պատգամավոր Մանլիո դի Ստեֆանոն, օրերս  նախատեսում է կապվել Հռոմում ռուսական դեսպանատան ներկայացուցիչների հետ, որպեսզի ձեռնամուխ լինեն այցի կազմակերպմանը, հաղորդում է ՌԻԱ Նովոստին։

Խորհրդարանականի խոսքով` պատվիրակության կազմում կընդգրկվի 8-10 մարդ, այցելուների խումբը կգլխավորի արտաքին հարցերով խորհրդարանական հանձնաժողովի անդամ Ալեսանդրո դի Բատիստան։

Նախատեսվում է, որ ուղևորությունը տեղի կունենա հոկտեմբերի սկզբին։

Ղրիմ այցելությանը միանալու պատրաստակամություն է հայտնել նաև «Հյուսիսի լիգա» իտալական կուսակցությունից նահանգապետ Սերջո Դիվինան։

Իտալական պատվիրակությունից հրատարակության զրուցակիցների խոսքով` նրանց առաջարկել է Մոսկվա և Ղրիմ այցելել ՌԴ Դաշնության խորհրդի միջազգային հարցերով հանձնաժողովի փոխնախագահ Անդրեյ Կլիմովը։

Ինչպես հաղորդվում է, պատվիրակությունը մտադիր է Ղրիմ մտնել Ռուսաստանի տարածքով, ուղևորության նպատակն է «առաջին ձեռքերից իմանալ այն մասին, թե մարդիկ ինչպես են ապրում Ղրիմում 2014թ,–ի հանրահավաքից հետո»։

Ինչպես հիշեցրել է հրատարակությունը, «Հինգ աստղ» շարժումը հանդես է գալիս հականացիստական և հակամերիկյան դիրքերից։

Բացի այդ, Ղրիմ այցելելու պատրաստակամության մասին հրատարակությանը հաղորդել է Հունգարիայի խորհրդարանի արտաքին հարցերով հանձնաժողովի փոխնախագահ Մարտոն Դյոնյոշին` «Յոբիկ» կուսակցության առաջնորդներից մեկը, ով հանդես է գալիս ազգայնական դիրքերից։ Նրա խոսքով` այցի ժամկետները պետք է հաստատվեն «առաջիկա շաբաթներին»։

Ավելի վաղ հրատարակությունը հաղորդել է այն մասին, որ Ղրիմ այցելելու պատրաստակամությունը հաստատել է եվրապատգամավոր Նադին Մորանոն, ով հունիսին Եվրախորհրդարանում հավաքել է «Հանուն Ռուսաստանի հետ նոր երկխոսության» խումբը։