ԵՐԵՎԱՆ, հուլիսի 29– Sputnik. Զիմբաբվեի իշխանությունները պնդում են, որ ամերիկացի զբոսաշրջիկ Ուոլթեր Փալմերը տեղի էքսկուրսավարներին վճարել է 55 հազար դոլար, որպեսզի նրանք թույլ տան Սեսիլի որսն անել, հաղորդում է nat-geo.ru–ն։
13–ամյա առյուծի գլխատված և մորթազերծ արված մարմինը գտել են Խվանգեի Ազգային զբոսայգու սահմաններից դուրս։
Ուոլթեր Փալմերն ատամնաբույժ է, բնակվում է Մինեսոթա նահանգի Մինեապոլիս քաղաքում։ Նրա պաշտոնական կայքի տեղեկատվության համաձայն, տղամարդն ամուսնացած է և ունի երկու երեխա։
Ենթադրվում է, որ Փալմերը և նրա էքսկուրսավար հանցակիցները խայծի օգնությամբ Սեսիլին տարել են պաշտպանված գոտուց, որից հետո զբոսաշրջիկն աղեղնազենից երկու անգամ կրակել է առյուծի գլխին։
Սեսիլը միանգամից չի սատկել. նրա վզնոցում GPS սարքի տվյալներից դատելով` նա դեռ 40 րոպե փորձել է հեռանալ հարձակվողներից, սակայն արդյունքում վերջնականապես սպանվել է հրացանի կրակոցից։
Զիմբաբվեի վայրի բնության պաշտպանության կազմակերպության ղեկավար Ջոնի Ռոդրիգեսի խոսքով` անօրինական որսին մասնակցելու համար Փալմերին կարող է սպառնալ մինչև 10 տարվա ազատազրկում։
Նա նաև նշել է, որ զբոսաշրջիկից առգրավել են ավարը` որպես դատարանի համար իրեղեն ապացույց։
Bushman Safaris տեղական ընկերությունից էքսկուրսավարը, ինչպես նաև տարածքի սեփականատերը, որտեղ սատկել է առյուծը, նույնպես ձերբակալվել են։
Սեսիլ առյուծը Խվանգեի Ազգային զբոսայգու գլխավոր աստղն էր։ Տեղի բնակիչները նրան անվանել են ամենագեղեցիկ կենդանիներից մեկը։
Զիմբաբվեում զբոսաշրջիկը սպանել է լեգենդար Սեսիլ առյուծին
Բաժանորդագրվել
Խվանգեի ազգային զբոսայգին զրկվել է իր գլխավոր աստղից։ ԱՄՆ–ից ատամնաբույժը կաշառքի օգնությամբ անօրինական որս է անցկացրել, սպանել և գլխատել Սեսիլ առյուծին
